web counter
LEXO PA REKLAMA!

SHKARKO APP

App Store
Google Play

“Kemi detyrime”/ Basha mbështet publikisht Ramën

15 Gusht 2021, 10:01, Politikë CNA

Kryetari i Partisë Demokratike, Lulzim Basha ka reaguar pas deklaratës së kryeministrit Edi Rama, I cili u shpreh se Shqipëria është e gatshme të strehohë afganët, të cilët kanë bashkëpunuar me forcat e NATO-s, në Afganistan.

Në një postim në rrjetet sociale, Basha ka dalë publikisht në ?krah? të kryeministrit në lidhje me këtë çështje, ndërsa thekson se si anëtare e NATO-s, Shqipëria gëzon të drejta dhe detyrime.

?Si anëtare e NATO-s, Shqipëria gëzon të drejta dhe detyrime. Nga këto detyrime lindin përgjegjësitë për të qëndruar pranë partnerit tonë strategjik SHBA dhe aleatëve tanë në zgjidhjen e krizës humanitare që po precipiton në Afganistan. Shqipëria duhet të bëjë, ashtu sikurse e kemi bërë më parë, pjesën e saj, në proporcion me kushtet dhe mundësitë tona. Empatia dhe solidariteti kundrejt atyre që kanë luftuar për të krijuar një rend demokratik në Afganistan, nuk mund të mungojë.?-shkruan Basha.

Sa ki takon deklaratave për shpopullimin e Shqipërisë, Basha thotë se kjo nuk vjen si pasojë e zgjidhjeve strategjike në kuadër të NATO-s dhe bashkëpunimit strategjik me SHBA, por si pasojë e qeverisjes së keqe.

?Rreziqet mbi identitetin tonë kombëtar, si pasojë e shpopullimit të Shqipërisë, nuk lindin si pasojë e zgjidhjeve strategjike në kuadër të NATO-s dhe bashkëpunimit strategjik me SHBA, por për shkak të keqqeverisjes së pakicës që e ka bërë vendin të pajetueshëm për qytetarët. Sikurse është detyra jonë të jemi në lartësinë e angazhimeve ndërkombëtare, është po ashtu detyra jonë të jemi në lartësinë e sfidave që ka Shqipëria, për të patur një qeveri që punon për njerëzit dhe mbështet aspiratat e tyre legjitime për të jetuar me dinjitet dhe mirëqenie në vendin e tyre.?-shkruan Basha./CNA.al

Shqipëria strehë për afganët?/ Rama me qëndrim të prerë, mesazhi për Kosovën  





Lajmet e fundit nga