web counter
LEXO PA REKLAMA!

SHKARKO APP

App Store
Google Play

VIDEO/ Levandovski vazhdon të shkruajë historinë, polaku shënon me të parën dhe vendos rekord të ri

13 Gusht 2021, 20:02, Sport CNA

Robert Levandovski nuk ka ndër mend të ndalë serinë e rekordeve dhe vazhdon të regjistrojë të tillë me fanellën e Bajern Mynih. Edhe pse emri i sulmuesit polak ka qarkulluar në klube të ndryshme gjatë kësaj vere, ai vazhdon të jetë pjesë e bavarezëve dhe përsëri po aq vendimtar, duke shënuar me një rregullsi mbresëlënëse.

Sulmuesi polak ka shtuar sot një tjetër rekord në listën e gjatë të atyre që ka vendosur në futbollin gjerman. Duke shënuar në ndeshjen e parë të kampionatit ndaj Borusia Mynshengladbah, ai ka vendosur një tjetër shifër që në teori do të jetë e vështirë që të kalohet nga të tjerët.

Rezulton se polaku ka gjetur rrugën e rrjetës për të 7-in sezon radhazi në ndeshjen e parë të Bundesligës. Një shifër që tregon më së miri aftësitë e tij para portës. Në fakt, që nga viti 2011, kur ishte pjesë e Borusia Dortmund, ai ka shënuar apo ka dhënë asist gjithmonë në ndeshjen e javës së parë të kampionatit. I vetmi sezon kur ai nuk e bëri një gjë të tillë në Bundesligë ishte në edicionin 2010-2011, kur sapo kishte zbarkuar në radhët e Borusia Dortmund nga kampionati polak.





Lajmet e fundit nga