E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Laçi dhe Teuta, eliminime me shije të ndryshme

13 Gusht 2021, 17:19, Sport CNA

Aventura e klubeve shqiptare në Europë është mbyllur mbrëmjen e 12 gushtit me eliminimin e Teutës dhe Laçit nga Confernece League, aty ku dy skuadrat shqiptare shkuan deri në raundin e tretë pa prekur dot play off-in dhe pastaj grupet e kompeticionit të ri të UEFA-s.

Dy eliminime me shije të ndryshme, me më pak pengje ai i Laçit. Anderlechti ishte një kundërshtar i një tjetër niveli, përtej kapaciteteve të kurbinasve, që, pas humbjes 3-0 në sfidën e parë, luajtën me kokën lart në Belgjikë, aty ku shënuan edhe një gol flamuri në ndeshjen e përfunduar 2-1, nën siglën e Lushkjes.

Ekziston përshtypja se skuadra e Shpëtim Duros, e penalizuar dhe nga mungesa e liderit të fazës sulmuese, Mentor Mazrekaj, në të dy takimet nuk mund të bënte më tepër. Gjithsesi, për Laçin mund të konsiderohet një aventurë e bukur ajo e kësaj vere, me skuadrën që pas kalimit të Universitateas së Krajovës fiton eksperiencë në arenën ndërkombëtare, duke vënë në dukje dhe ?xhevahirët? e saj.

Diskutim disi ndryshe për Teutën, bregdetarët u mundën 2-0 në ?Elbasan Arena? nga Shamrock Rovers, pasi kishin humbur 1-0 edhe sfidën e parë. Mund të kishin bërë më tepër, irlandezët nuk ishin të një tjetër dimensioni, por Teuta me asnjë gol të shënuar në të dyja sfidat shfaqu mangësitë në fazën krijuese dhe atë të shënimit.

Me një Kallaku, që e ka tmerrësisht të vështirë të gjejë shënjestrën në goditjet nga larg, dhe një Seferi që dështoi në rastin që mund t?i kishte ndryshuar rrjedhë ndeshjes, për skuadrën e Edi Martinit mbeten pengjet e një rrugëtimi që mund të kishte qenë edhe më i gjatë. Gjithsesi tani me shënimet e duhura, sytë nga kampionati, aty ku Teutës këtë sezon i duhet të mbrojë titullin kampion.