web counter
LEXO PA REKLAMA!

SHKARKO APP

App Store
Google Play

E fundit!

x

Gati firmat e radhës/ Skënderbeu përgatitet për dy goditje të tjera në merkato

6 Gusht 2021, 07:51, Sport CNA

Skënderbeu mund të mos e ketë mbyllur ende merkaton. Rezultatet e marra në testet miqësore dhe përgatitjet e ekipit duket se kanë treguar që ekipi ka ende nevojë për të pasur në gjirin e vet edhe lojtarë të tjerë. Korçarët duket se po joshen gjithnjë e më shumë nga dy lojtarët e Apolonisë, Redon Mihana dhe Mario Gjata, të cilët gjithashtu janë pjesë e Kombëtares Shpresa.

Në kushte të tilla, kur ekipi është një kategori më poshtë, shumë klube kanë shfaqur interes për talentet duke gjetur një formulë huazimi. Përjashtim nuk bën Skënderbeu, që mund të përfitojë nëse lojtarët nuk shkojnë te Partizani. Pavarësisht se ofertat në drejtim të tyre nuk mungojnë, ku Partizani duket se është i avancuar në bisedime.

Te Partizani nuk garantojnë minuta dhe kjo ndoshta i tremb drejtuesit fierakë për arritjen e akordit. Të njëjtat burime treguan për gazetën se korçarët janë duke menduar edhe një huazim. Kjo duket se i shkon për shtat edhe Apolonisë, që do të gjenin një sistemim për të dy talentet, por pa hequr dorë plotësisht nga kartoni i tyre.





Lajmet e fundit nga