web counter
LEXO PA REKLAMA!

SHKARKO APP

App Store
Google Play

Kanabisi si mjet për të luftuar varfërinë/ Qytetarët përshtasin ambjentet për kultivim

5 Gusht 2021, 06:56, Kronika CNA

Kanabisi, duket se është kthyer në një mjet jetese për mjaft banorë  të rretheve të ndryshme.

Çdo ditë policia, raporton raste kur individë edhe në moshë, kanë përshtatur ambjente në pronat e tyre për të kultivuar kanabis, të cilin më pas e shesin.

Në 24 orët e fundit, katër persona janë arrestuar pasi merreshin me kultivin e kanabisit.

Policisë i ka mbërritur informacion për një aktivitet të tillë që ka çuar në prangosjen e pesë personave.

?Shërbimet e Komisariatit të Policisë Gjirokastër, në bazë të informacioneve të siguruara, kanë evidentuar dhe goditur një rast të tentativës së kultivimit të bimëve narkotike.

Në përfundim të veprimeve të para hetimore, specialistët e Seksionit për Hetimin e Narkotikëve dhe Trafiqeve arrestuan në flagrancë shtetasit A. P., 38 vjeç, banues në Gjirokastër; T. M., 39 vjeç, banues në Këlcyrë dhe E. K., 47 vjeç, banues në Kuçovë, pasi këta shtetas në bashkëpunim me njeri tjetrin kanë tentuar të kultivojë bimë narkotike në një ambient të hapur, në afërsi të fshtatit Këllëz?, thuhet në njoftimin e Policisë.

Gjithashtu, shërbimet e Komisariatit të Policisë Tepelenë arrestuan në flagrancë shtetasin L. B., 62 vjeç, banues në fshatin Mamaj, Tepelenë, pasi ka tentuar kultivoj bimë narkotike në bahçen e banesës së tij./CNA.al





Lajmet e fundit nga