web counter
LEXO PA REKLAMA!

SHKARKO APP

App Store
Google Play

Qetësohen te Skënderbeu, Jorgo Meksi bashkohet me ekipin në stërvitje

2 Gusht 2021, 06:05, Sport CNA

Jorgo Meksi është rikthyer dhe ka filluar normalisht përgatitjet me Skënderbeun. Prej së shtunës, kapiteni i Skënderbeut në sezonin e kaluar është bashkuar me pjesën tjetër të ekipit për të vijuar sezonin konform bashkëpunimit të përcaktuar nga kontrata mes palëve, kontratë e cila është aktive deri në vitin 2022. Duket se ky është një lajm i mirë për Skënderbeun dhe Migen Memellin që do të kenë sërish në organikë një lojtar me cilësi dhe eksperiencë siç është Jorgo Meksi.

Mbrojtësi i krahut të djathtë duket se ka zgjidhur përfundimisht problemet me shërbimin ushtarak në shtetin helen dhe për rrjedhojë është rikthyer për të vijuar kontratën me korçarët. Përpos këtij rikthimi, duket se koha e gjatë e mungesës i ka kushtuar Meksit jo vetëm një gjobë, por me shumë mundësi edhe humbjen e shiritit të kapitenit.

Nuk dihet tashmë se nëse Takaj do të jetë i gatshëm në bazë të arsyetimit që do t?i japë lojtari të zhbëjë të gjitha penalitetet e vendosura apo ndoshta një pjesë të tyre dhe se cili do të jetë kapiteni i Skënderbeut për sezonin e ri? Në testet miqësore që korçarët kanë zhvilluar shiriti ka qenë në krahun e Marës, ndërsa alternative më e mundshme mbetet Zguro, gjithnjë nëse trajneri së bashku me klubin do të vendosin të heqin ?gradat? kapitenit aktual.





Lajmet e fundit nga