web counter
LEXO PA REKLAMA!

SHKARKO APP

App Store
Google Play

E fundit!

x

Qeveria i dorëzon traullin e teatrit Bashkisë/ Reagon Vasili: Krim shtetëror

31 Korrik 2021, 13:41, Aktualitet CNA

Këshilli i Ministrave ka marrë vendimin që trualli i Teatrit Kombëtar t?i kalojë Bashkisë së Tiranës.

Këtë vendim të qeverisë , nënkryetari i LSI, Petrit Vasili e quan një krim shtetëror të përmasave të tmerrshme.

Sipas Vasilit, qeveria ka dalë mbi Gjykatën Kushtetuese duke provuar që drejtësia është e kapur nga Rilindja.

?Drejtësia me Regji i garanton Pandëshkueshmërinë mafias qeveritare, që vazhdon duke i dhënë truallin e Teatrit Bashkisë!!

Gjykata Kushtetuese rrëzoi pak kohë më parë vendimin e qeverisë së rilindjes për kalimin e truallit të Teatrit Kombëtar Bashkisë së Tiranës!

Mbi këtë vendim antikushtetues e të paligjshëm u prish godina e Teatrit Kombëtar.

Të gjithë shqiptarët po prisnin ndëshkimin e fajtoreve duke filluar nga Kryeministri e me radhë për këtë krim shtetëror të përmasave të tmerrshme.

Përkundrazi dje Qeveria i kaloi përsëri truallin Bashkisë së Tiranës duke dalë edhe mbi Gjykatën Kushtetuese dhe duke provuar se Drejtësia e Re është thjesht një drejtësi e kapur nga rilindja dhe mbrojtëse e antiligjit.

Pasi kemi dëgjuar përralla në shqip dhe anglisht se gjoja pandëshkueshmëria po  merr fund dhe gjoja askush nuk është mbi ligjin po ndodh pikërisht e kundërta që edhe pritej..!

Pandëshkueshmëria e qeverisë vazhdon e paprekur dhe Drejtësia me Regji vazhdon me arka peshku e me eskursionet nëpër Shqipëri.

Jo vetëm, që askush nuk u ndeëshkua për Teatrin, por fajtorët vazhdojnë të qetë aferën mafioze të rrëmbimit të Teatrit.

Drejtësia me Regji duke mos vepruar i jep të gjithë kohën qeverisë që të përfundojë aferat mafioze ku është parashpërblyer.

Kushdo, që duatroket për Drejtësinë me Regji të arkave të peshkut e të druve të zjarrit në Pogradec apo kanalit në Lushnje, meriton vetëm përbuzje dhe neveri si dhe tregon qartë ortakërinë me mafian qeveritare?, shkruan Vasili në postimin e tij./ CNA.al





Lajmet e fundit nga