web counter
LEXO PA REKLAMA!

SHKARKO APP

App Store
Google Play

Vatrat e zjarrit në vend/ KLSH zbret në terren, nisin kontrollet

30 Korrik 2021, 09:43, Aktualitet CNA

Situata problematike e zjarreve në vend, ka bërë që Kontrolli i Lartë i Shtetit të zbresë në terren dhe të fillojë kontrollet në strukturat që duhet të menaxhonin situatën.

Me urdhër të kryetarit Arben Shehu, kontrollet kanë nisur në të gjitha hallkat e strukturave të reagimit kundër zjarrit.

Inspektorët e KLSH kanë zbritur në të gjitha qytetet problematike përfshirë Vlorën dhe Fierin ku situata paraqitet më e rëndë.

Kontrolli do të verifikojë menaxhimin që po bëhet për procesin e shuarjes së zjarreve, duke nisur që përdorimi i pajisjeve si dhe anën organizative.

KLSH gjithashtu do të verifikoj tenderimet për pajisjet e zjarrfikësve si dhe hallkave të tjera të emergjencave civile, nëse përputhen fizikisht me ato që janë blerë si dhe mungesën e tyre gjatë operacioneve. Nëse do të hasen shkelje përgjatë kësaj situate, do të ketë referime përkatëse në prokurori.

Aktualisht sipërfaqe të tëra janë duke u djegur në pika të ndryshme, ndërsa më problematike paraqitet situata në Karaburun ku zjarri po i afrohet parkut të Llogarasë si dhe vëndhedhja e mbeturinave në Fier.





Lajmet e fundit nga