web counter
LEXO PA REKLAMA!

SHKARKO APP

App Store
Google Play

Kreu i LRE Galdini: Liderë autokratë dhe të korruptuar e shndërrojnë Open Balkan në dosje të mbyllur

31 Korrik 2021, 13:18, Politikë CNA

Kreu i LRE,  Arian Galdini ka deklaruar, se asnjë projekt Rajonal nuk mund të sjellë as paqe e as stabilitet, as zhvillim e as të mira për popujt e Ballkanit, nëse vjen si rezultat i marrëveshjeve të tipit, Quick Fix.

?Ne Lëvizja e Re, mendojmë e besojmë se asnjë projekt Rajonal nuk mund të sjellë as paqe e as stabilitet, as zhvillim e as të mira për popujt e Ballkanit, nëse vjen si rezultat i marrëveshjeve të tipit, Quick Fix (Zgjidhje nën Ngut).

 Sidomos kur aktorët dhe faktorët nismëtarë e zbatues të këtyre nismave janë Liderë Autokratë dhe të Korruptuar të Ballkanit Perëndimor?, ka deklaruar ai.

LRE beson se fakti që Nisma Open Balkan, jetësohet dhe shpallet nga gjysma e liderëve të Ballkanit Perëndimor, e rrëzon vetë qëllimin e saj për gjithëpërfshirje, paqe e stabilitet në Rajon.

Paqja nuk vjen nga nismat e faktit të kryer e sidomos kur fakti i kryer firmoset e nënshkruhet nga liderë autokratë dhe të korruptuar.

?Nxitimi i Rama – Vuçiç – Zaev për ta imponuar nismën Open Balkan, pa ushtruar durimin dhe të gjithë instrumentat e konsensusit dhe gjithëpërfshirjes së 6 vendeve të Ballkanit Perëndimor, cënon thelbësisht vetëm qëllimin e nismës.

Liderë Autokratë dhe të Korruptuar nuk mund të jenë kurrë ndërtues paqeje, stabiliteti dhe zhvillimi të qëndrueshëm. Me liderë autokratë e të korruptuar Open Balkan khehet në Closed File (Dosje e Mbyllur).

 Qeveria shqiptare ka detyrim transparencën ndaj publikut shqiptar dhe përkrah saj edhe transparencën ndërshqiptare.  Shqipëria nuk mund të shkojë në asnjë nismë Rajonale, ku Kosova konsiderohet si një vend që nëse do vjen, nëse jo, e ka gabim.

 Kosova dhe Shqipëria janë e duhet të jenë domosdoshmërisht marrëveshja e parë dhe në çdo nismë o shkojnë bashkë o shkojnë bashkë?, deklaron më tej Galdini./CNA.al





Lajmet e fundit nga