web counter
LEXO PA REKLAMA!

SHKARKO APP

E fundit!

x

Vritet 30 vjeçari dhe plagoset i ati me dy vëllezërit/ Zbardhen detaje nga përplasja me armë mes kushërinjve

29 Korrik 2021, 06:12, Kronika CNA

Në orën 6.15 minuta të mëngjesit të sotëm,  është përgjakur fshati Garunjë i Lushjes.

Një person është vrarë, ndërsa kanë mbetur të plagosur babai dhe dy vëllezërit e viktimës.

Ngjarja ka ndodhur mes kushërinjve Hasalla, për shkak të një konflikti pronësie të mbartur.

Për pasojë ka humbur jetën R. Hasalla, ndërsa janë plagosur babai i tij, Sh Hasalla 65 vjeç dhe dy vëllezërit E. dhe Laert Hasalla të dy 31 vjeç.

Të dyshuar si autorë të kësaj ngjarje të rëndë janë  vëllezërit Kastriot dhe Afrim Hasalla, 33 vjeç, vëllezër, të cilët raportohen se kanë qëlluar me çifte në drejtim të kushërinjve të tyre.

Më pas autorët janë arratirur nga vendi i ngjarjes, ndërkohë në terren kanë zbarkuar edhe Forcat e Ndërhyrjes së Shpejtë, të cilët janë vënë në kërkim të vëllezërve që kanë qëlluar kundrejt kushërinjve./CNA.al





Lajmet e fundit nga