web counter
LEXO PA REKLAMA!

SHKARKO APP

App Store
Google Play

Problemet e Fjollës me dretësinë/ Bashkëshorti i del në krah: Pafajësia jote do të vërtetohet

29 Korrik 2021, 11:31, Lifestyle CNA

Pak ditë më parë, këngëtarja Fjolla Morina përfundoi nën prangat e policisë pasi ishte shpallur në kërkim pas arratisjes nga banesa në Kukës

Mbi këngëtaren rëndon akuza për trafikim të armëve dhe municionit në Shqipëri.

Por pas arrestimit të saj, bashkëshorti i saj Fisnik Syla i ka dalë në krah gruas së tij.

Përmes një postimi në rrjetet sociale, Fisniku shprehet se është i bindur që drejtësia do të fitojë dhe do të vërtetohet pafajësia e saj.

?Përgjithmonë bashkë. Çdo herë me ty dhe për ty shpirti im. Do ta kalojmë këtë sfidë dhe do të na mbetet si një ëndërr e padëshiruar. Jam i bindur se drejtësia do të fitojë dhe pafajësia jote do të vërtetohet. Të dua sot e përgjithmonë jeta ime!”, shkruan Fisniku.

Kujtojmë se vitin e kaluar në pikën kufitare Kosovë-Shqipëri, këngëtarja u zu me dy revole në veturën e saj, shoqëruar nga dy bashkëudhëtarë meshkuj.

Morina ishte mbajtur në arrest shtëpiak në Kukës për një muaj, ndërkohë vetëm në prill të këtij viti Prokuroria pranë Gjykatës së Shkallës së Parë në Kukës ka depozituar vendimin për shpalljen në kërkim ndërkombëtar.

Ajo u dënua në 25 mars nga Gjykata e Kukësit me 9 vite burgim, që pas zbritjes së 1/3 prej gjykimit të shkurtuar u bënë 6 vjet. Prokuroria kishte kërkuar vetëm 7 vjet, por Gjykata u tregua më e ashpër, kjo pasi Gjykata më herët ndryshoi edhe klasifikimin e veprës penale nga armëmbajtje pa leje në trafikim të armëve që e rëndoi pozitën e këngëtares./CNA.al





Lajmet e fundit nga