web counter
LEXO PA REKLAMA!

SHKARKO APP

App Store
Google Play

E fundit!

x

Mafia shtetërore po vret qytetarët e Fierit/ Gazetari “shkund” Prokurorinë

29 Korrik 2021, 08:06, Aktualitet CNA

Gazetari Klodian Tomorri ka reaguar ashpër për djegien e mbeturinave në Fier, gjë që ka detyruar qytetarët të braktisin shtëpitë.

Sipas Tomorrit ajo që po ndodh në Fier është një krim monstruoz, për të cilin të gjithë instancat po heshtin si Bashkia, Qeveria por edhe Prokuroria.

?Omertaja që po helmon Fierin

Ajo që po ndodh në Fier është një krim monstruoz, i cili po konsumohet haptazi. Të djegësh mbetjet, përfshirë ato toksike, duke helmuar një qytet të tërë është as më shumë e as më pak, por krim kundër njerezimit.

Dyshimet shtohen edhe më shumë nga fakti se e gjithë kjo ngjarje është mbështjelle nga një heshtje e çuditshme. Askush nuk flet. As Bashkia, as Qeveria, as Prokuroria. Të gjithë heshtin, ndërkohë që qytetarët po helmohen?, shkruan Tomorri në rrjete sociale.

Sipas të njëjtit me shumë gjasa e gjitha kjo duhet të ketë lidhje me luftën e brendshme ekonomike mes klaneve brenda maxhorancës.

?E para, kjo është një maxhorancë, e cila ka shumë figura të larta me interesa direkte në industrinë e mbetjeve. Që nga grumbullimi e deri tek përpunimi fundor.

E dyta, ditet e fundit Fieri është shndërruar në një nga fushëbetejat kryesore të përplasjeve mes grupeve brenda maxhorancës.

Nëse është arritur deri aty sa të sakrifikohen qytetarët për interesat korruptive që kanë grupet e pushtetit, kjo e bën krim edhe më të rëndë. Por ne nuk e dimë. Sepse krimin po e mbulon omerta, kodi mafioz i heshtjes.?, shkruan më tej gazetari Klodian Tomorri./CNA.al

Video-Zjarr në fushën e mbetjeve/ Fieri ?pushtohet? nga shtëllunga tymi  





Lajmet e fundit nga