web counter
LEXO PA REKLAMA!

SHKARKO APP

App Store
Google Play

E fundit!

x

“Shtrëngohet litari”/ Ish-ministri socialist bën paralajmërimin e frikshëm: Do e pësojnë dhe fëmijët

28 Korrik 2021, 07:53, Politikë CNA

Ish-ministri i Financave dhe Ekonomisë në qeverisjen e socialistëve, Arben Malaj shkruan se litari i borxheve të shtetit shqiptar sa vjen e po shtrëngohet, gjë të cilën sipas tij do ta paguajnë edhe fëmijët e sapo lindur.

Në një postim në rrjetet sociale, Malaj shkruan se qeveritarët përgjegjës duan të justifikojnë shkeljet ligjore dhe borxhet e rënda me përgjegjësinë kolektive, me “përgjegjësinë e tufëzuar”. Por, Malaj thekson se përgjegjësia është individuale.

?Mirmëngjesi, litari i borxheve nga vendimet e gjykatave shqiptare për pushimet nga puna dhe gjobat e albitrazhit ndërkombëtar nga vendimet jo ligjore, nga disa oligarkë – po bëhet gjithnjë e më i trashë dhe mbytës edhe për fëmijët e sapo lindur. Tufëzat u prishën në 1991, por janë shfaqur shpesh në qeverisjet e tranzicionit dhe kanë kulmuar në qeverinë e të paditurve, inatçorëve, arrogantëve, të babëzitur dhe të kapur.

Qeveritarët përgjegjës duan të justifikojnë shkeljet ligjore dhe borxhet e rënda me përgjegjësinë kolektive, me “përgjegjësinë e tufëzuar”.

Përgjegjësia është personale edhe kur shkeljen e ligjit e kanë shkaktuar me pa-përgjegjshmërinë e tyre një grup qeveritarësh,

Shpërdorimi i detyrës është direkt dhe indirekt.

Përpara ligjit të gjithë (duhet) të jenë të barabartë.

Është urgjent krijimi i listën së zezë të politikanëve, qeveritarëve dhe nënpunësve që sipas vendimeve përfundimtare të gjykatave vendase dhe ndërkombëtare u kanë krijuar kaq shumë borxhe të rënda taksapaguesve shqiptarë, të cilët duhen përjashtuar me vendim gjykate 5 deri në 7 vite nga mandate politike dhe në administratë siç po aplikohet në vetingun në Drejtësi.

Dite të mbarë pa borxhe të rritura nga të babëziturit në politikë, administratë dhe biznes?-shkruan Arben Malaj.





Lajmet e fundit nga