web counter
LEXO PA REKLAMA!

SHKARKO APP

E fundit!

x

Dhuna ndaj gazetarit/ Meta: Rast i përsëritur i cenimit fizik të reporterëve, meriton ndëshkim ligjor

27 Korrik 2021, 19:13, Politikë CNA

Presidenti Ilir Meta ka reaguar pas operacionit të policisë ku u ndalua gazetari Ergys Gjençaj, i cili u shtri në tokë me duart pas dhe u cilësua bashkëpunëtor pasi filmoi një operacion antidrogë.

Meta shprehet se dënon dhunën ndaj gazetarit dhe se rasti i përsëritur i cënimit fizik të reporterëve meriton ndëshkim shembullor.

?Dënoj me forcë dhunën arbitrare të punonjësve të Policisë së Shtetit ndaj gazetarit të ?Neës 24?, Ergys Gjençaj, i cili ishte në krye të detyrës dhe që gjithmonë ka dëshmuar profesionalizëm të lartë për informimin publik.

Ky rast i përsëritur i cënimit fizik të reporterëve meriton ndëshkim ligjor dhe është një tjetër incident i rëndë, që dëshmon se përdorimi i pajustifikuar i dhunës, veçanërisht ndaj përfaqësuesve të medias, është kthyer në një mentalitet shqetësues në radhët e Policisë, që duhet trajtuar me zero tolerancë, në përputhje me ligjin.

Duke shprehur solidaritetin dhe mbështetjen e plotë për të gjithë gazetarët kurajozë dhe të pavarur, theksoj se liria e medias është thelbësore për demokracinë dhe integrimin e Shqipërisë në Bashkimin Europian?, shkruan Meta./CNA.al





Lajmet e fundit nga