Personat me probleme të shëndetit mendor/ Mjeku jep alarmin: Shifrat janë të frikshme

22 Korrik 2021, 11:24, Lifestyle CNA

22 Korriku shënon ditën botërore të trurit. Në Shkodër, Neuropsikiatri Gjon Preci, në një prononcim për CNA.al, e vë theksin tek rëndësia e institucioneve, shoqërisë dhe familjes për të përkrahur personat që kanë probleme të shëndetit mendor.

Sipas tij pandemia po referon tashmë probleme të mëdha tek popullata. Pranë qëndrës së shëndetit mendor në Shkodër, e cila është e vetmja në veri, cdo ditë kërkojnë ndihmë të paktën 30 persona, ku mesatarisht dy prej tyre janë raste të zbuluara rishtazi

?Sot është dita Botërore e trurit. Një pjesë të diagnozave që lidhen me sëmundje të trurit janë në fokus të psikiatrisë ndërsa të tjera i referohën neurologëve. Dy vitet e fundit ka patur një përkeqësim të shëndetit mendor. Ishte e pritshme pasi pandemia ka nisë të japë efektet e saj negative tek popullata. Fillimisht na krijoj vështirësi në lëvizjen e pacientëve dhe shkëputja e konsultave apo medikamenteve me muaj të tërë ka sjelle një dëm të madh tek shëndeti mendor i tyre. Ne japim shërbim pesë ditë në jave dhe kjo është e vetmja qëndër e shëndetit mendor në veri. Vijnë nga Puka, Kukësi, Lezha, Dibra. Cdo ditë pas dere kemi të paktën 30 persona, ku 1 apo 2 prej tyre janë raste të reja. Të kesh rreth 60 persona të zbuluar çdo muaj me probleme të shëndetit mendor është e frikshme për një vend si Shqipëria.?-tha mjeku.

Preci i drejtoi një apel institucioneve shëndetësore që të kenë në vëmendje shtimin e qendrave të shëndetit mendor, psikiatri dhe ndihmë ekonomike për familjarët e tyre pasi ndjekja me medikamente është e kushtueshme.

?Siç e përmenda në të gjithë Veriun ka vetëm një qendër komunitare të shëndetit mendor. Në shumë raste ne japim konsulta edhe telefonike, ndaj numri i personave që kanë nevojë per specialist mund të jetë disa herë më i lartë. Institucionet shëndetësore, ata të cilët hartojnë politika për këto kategori duhet të jenë më të vëmëndshëm për ti mbështetur jo vetëm pacientët por edhe familjarët e tyre. Sidomos vitet e fundit ka patur një shtim të personave që konsumojnë lëndë narkotike, të kthyer edhe nga vende të ndryshme të Bashkimit Europian. Nuk ka ndihmë për ta, vetëm një qendër metadoni e cila me raste u plotëson nevojat e tyre me metadon, kaq. Ata kanë nevojë për rehabilitim te ndjekur në vijimësi.?-tha Gjon Preci, për CNA.al.

Nueropsikiatri Gjon Preci disa herë ka dhënë alarmin e përkeqësimit të shëndetit mendor të popullatës!/CNA.al