web counter
LEXO PA REKLAMA!

SHKARKO APP

App Store
Google Play

E fundit!

x

Afera korruptive e inceneratorëve/ LSI: SPAK nuk ka lëvizuar as gishtin për ta hetuar

19 Korrik 2021, 07:39, Aktualitet CNA

Nënkryetari i LSI-së, Petrit Vasili, me anë të një reagimi në rrjete sociale ka shenjëstruar SPAK-un, në lidhje mos mos hetimin ndaj aferës së inceneratorëve.

?138 ditë nga denoncimi i inceneratorëve, SPAK fle me regji. Në 3 mars 2021 Monika Kryemadhi dorëzoi në SPAK denoncimin për aferën 400 milionëshe të Inceneratorëve shoqëruar me qindra dokumente, që provonin vjedhjen më të madhe shtetërore mafioze që ishte provuar me dokumente.

Megjithëse kanë kaluar 138 ditë ose më shumë se katër muaj e gjysëm asgjë nuk ka ndodhur dhe SPAK nuk ka lëvizur as gishtin?, shkruan Vasili në rrjete sociale.

Sipas tij e gjitha kjo ndodh, për shkak se SPAK fle gjumë, me anë të regjisë rilindase.

?Protagonistët e aferës së inceneratorëve në vend që të ishin përpara drejtësisë u zgjodhën edhe deputetë në 25 Prill.

Kush duartroket estradat shëtitëse të SPAK nga Lushnja në Pogradec dhe vetshërbimin rilindas të Fierit është thjesht një ushtar i blerë i rilindjes dhe asgjë më shumë.

Denoncimi i Inceneratoreve dhe mosveprimi i SPAK është akuza më e rëndë për të, por edhe prova më e qartë e veprimit, sipas regjisë së rilindjes për të ruajtur paprekshmërine e saj. Ky është krim ndaj shqiptarëve, por të jenë të sigurtë që populli sheh, dëgjon dhe nuk harron kurrë?, shkruan më tej Vasili./CNA.al





Lajmet e fundit nga