web counter
LEXO PA REKLAMA!

SHKARKO APP

App Store
Google Play

E fundit!

x

Sa rrezikohen fëmijët dhe adoleshentët nga Covid-19/ Epidemiologo flet me fakte, apeli për qytetarët

17 Korrik 2021, 08:12, Lifestyle CNA

Epidemiologu Ilir Alimehmeti, ka analizuar situatën epidemiologjike, duke u ndalur tek risku i koronavirusit për fëmijët dhe adoleshentët.

Në një postim në rrjetet sociale, Alimehmeti rendit studimet dhe analizat e realizuara  nga ?National Health System? në bashkëpunim me institucione të tjera britanike, të publikuara më 2 korrik të këtij viti, në të cilat trajtohen arsyet e vdekjeve të fëmijëve dhe adoleshentëve përgjatë 1 viti pandemi duke nisur nga 1 marsi i 2020 deri në 28 shkurt të 2021.

Mjeku thekson se në të dhënat e publikuara rezultoi se gjatë një viti në Mbretërinë e Bashkuar ndër fëmijë dhe adoleshentë, shkalla e vdekshmërisë është shumë e ulët, e njëjtë me atë të gripit sezonal.

Pra, NHS na thekson qartë se fëmijët dhe adoleshentët e kanë riskun krejt minimal dhe të krahasueshëm me gripin sezonal.

Kështu, mjeku iu drejton edhe një apel prindërve, ndërsa shkruan ?Lërini fëmijët të lirë që të luajnë, të zbativen, të arsimohen, të rriten, siç është e drejta e tyre!?

Postimi i plotë:

Fëmijët e shëndetshëm nuk do t?i frikësohen jetës, nëse të rriturit do të kenë mjaftueshëm integritet sa të mos i frikësohen vdekjes.?

Cit.: Prof. Erik Erikson (1902-1994)

Risku i COVID-19 për fëmijët dhe adoleshtët është krejtësisht minimal miqtë e mi!

Siç ishte vërejtur që në fillim, të rinjtë dhe adoleshentët përgjithësisht e kalojnë krejt lehtë infeksionin nga SARS-CoV-2.

Tashmë këto vrojtime mbështeten nga evidencat zyrtare, si në rastin e të dhënave zyrtare të Mbretërisë së Bashkuar.

NHS (National Health System) në bashkëpunim me institucionet të tjera elitare britanike, publikoi më 8 Korrik 2021 studimin e arsyeve të vdekjeve të fëmijëve dhe adoleshentëve (<18 vjeç) përgjatë një viti pandemi (periudha 1 mars 2020 ? 28 shkurt 2021).

Gjetjet e tyre janë aq mbresëlënëse saç ishin edhe të parashikueshme.

Në detaj, gjatë një viti, ndër fëmijët dhe adoleshentët në Mbretërinë e Bashkuar kanë ndodhur:

3.105 vdekje totale,

61 vdekje me tampon pozitiv, por

25 vdekje të vetme ishin si rrjedhojë e COVID-19.

Duke kujtuar se në Mbretërinë e Bashkuar ka mbi 12 milionë fëmijë dhe adoleshentë:

vdekshmëria nga SARS-CoV-2 rezultoi më pak se 2 ndër 1 milionë.

Shkalla e vdekshmërisë nga infeksioni (IFR) rezulton krejtësisht e ulët:

469.982 fëmijë dhe adoleshentë kanë qenë të infektuar në këtë periudhë, si rrjedhojë

IFR = 25 / 469.982 = <0.005%.

Pra, 99.995% E FËMIJËVE DHE ADOLESHENTËVE I MBIJETOJNË SARS-COV-2.

Kjo shkallë vdekshmërie është krejtësisht e njëjtë me shkallën e vdekshmërisë nga gripi sezonal, e cila në këtë grupmoshë luhatet nga 0.003% ? 0.009%, në varësi të viteve.

Autorët thellohen më tej dhe bëjnë të ditur, se ndër 25 vdekjet:

19 kishin sëmundje të rënda,

13 kishin sëmundje të rënda neurologjike (shkaqet: sëmundje gjenetike/metabolike, ishemi cerebrale ose të lindur parakohe), dhe

8 individë me sëmundje neurologjike kishin edhe sëmundje të rënda respiratore,

6 të tjerë kishin sëmundje të rënda onkologjike, hematologjike, kardiake, endokrinologjike dhe ndërlikime të lindjes parakohe.

Ndër 25 vdekjet,

6 (24%) ndodhën në individë pa sëmundje, që është e njëjtë me

729 vdekje që ndodhën te fëmijët pa COVID-19 (729 / 3080 = 24%).

Fatmirësisht asnjë vdekje nuk ndodhi në:

persona vetëm me sëmundje respiratore (përfshirë astmën),

persona me diabet tip 1,

persona me trizomi 21 (sindromë Doën), apo

persona vetëm me epilepsi.

Autorët dalin në përfundimet e qarta:

SARS-CoV-2 shumë rrallë është fatal për fëmijët dhe adoleshentët, madje edhe për ata me sëmundje bashkëshoqëruese.

Mbijetesa është 99.995%.

Gjetjet tona janë 60% më të ulëta se sa shifrat që vijnë nga testet pozitive, duke e ulur edhe më tej përllogaritjen e riskut të vdekjes nga pandemia për këtë grupmoshë.

Më të riskuar ishin moshat >10 vjeç me etni aziatike ose të zezë.

Këto gjetje janë të rëndësishme për udhëheqjen e familjeve, klinicistëve dhe politikëbërësve mbi strategjitë e ardhshme të mbrojtjes dhe vaksinimit.

Shkurt, bukur, qartë:

NHS na thekson qartë se fëmijët dhe adoleshentët e kanë riskun krejt minimal dhe të krahasueshëm me gripin sezonal.

Pra, miqtë e mi:

Lërini fëmijët të lirë që të luajnë, të zbativen, të arsimohen, të rriten, siç është e drejta e tyre!

Dr. Shk. Ilir Alimehmeti

Epidemiolog Klinik

Fakulteti i Mjekësisë, UMT

Akademia e Shkencave të Shqipërisë/CNA.al





Lajmet e fundit nga