web counter
LEXO PA REKLAMA!

SHKARKO APP

App Store
Google Play

Maldini tregon merkaton e Milanit: Zhiru dhe Ibra dy djelmosha, do afrojmë dhe një sulmues tjetër

16 Korrik 2021, 12:12, Sport CNA

Merkatoja e Milanit, ashtu si e shumë klubeve të tjera, ka hyrë në një fazë të zjarrtë. Zhiru zbarkoi dje, ndërkohë që në javën e ardhshme priten për vizitat Brahim Diaz, Bondo dhe ndonjë tjetër. Në pritje të goditjes së radhës, drejtori Paolo Maldini ka folur për rrjetin ?DAZN? duke shpjeguar disa nga dinamikat kuqezi.

Pas Ibrës, një tjetër bomber me përvojë si Zhiru?

Nuk mund të themi dot asgjë më shumë, por duket që në sulm kemi dy djem të rinj (qesh). Olivie është një kampion dhe të mos harrojmë se sapo është shpallur fitues i Ligës së Kampioneve, përveçse është kampion bote në fuqi me Francën. E shohim si një lojtar që ofron besueshmëri dhe përvoja e tij mund të ndihmojë shumë ekipin. Të mos harrojmë se organika e Milanit është ndër më të rejat në Itali.

Mbyllet me kaq merkatoja e Milanit në sulm?

Në fakt, mund të afrojmë edhe një sulmues me moshë të re. Qëllimi ynë është që t?i bëjmë gjërat në mënyrën e duhur. Po mundohemi të ndërtojmë themelet e më pas të shohim për afrime të reja gjatë merkatos së kësaj vere.

Donaruma sapo firmosi me PSG-në. Keni pengje?

Pa dyshim që është një humbje e madhe për ne, por në anën tjetër të mos harrojmë se kemi afruar një tjetër portier të madh si Majk Menja. Xhixho është formuar në ekipet zinxhir të Milanit dhe duke parë ato që ka bërë më fanellën tonë, është normale të ndiej keqardhje për këtë raport që u ndërpre. Sidoqoftë, tani duhet të shohim të gjithë nga e ardhmja. E kaluara ishte e bukur, por edhe e ardhmja ka joshjen e saj.

Tek e ardhmja përfshihet rinovimi i Kesit?

Në të ardhmen e Milanit do të jetë edhe Kesi. Është një lojtar i rëndësishëm për ne dhe po punojmë për rinovimin e kontratës së tij.

Po për ndonjë pasues të Çalhanoglusë keni menduar?

Jo (qesh, ndërkohë që duke tundur kokën lë të kuptohet se diçka do të ndodhë).





Lajmet e fundit nga