web counter
LEXO PA REKLAMA!

SHKARKO APP

App Store
Google Play

E fundit!

x

Juventusi nuk ka dyshime, do me çdo kusht Manuel Lokatellin

16 Korrik 2021, 09:04, Sport CNA

Manuel Lokatelli, mesfushori kampion Europe me Italinë në turneun e sapombyllur, autori i 2 dy golave kundër Zvicrës, është profili për të cilin edhe Masimiliano Alegri ka dhënë OK-in te skuadra e Juventusit. Të dyja klubet kanë kohë që po bisedojnë, por Sasuolo për momentin ka refuzuar çdolloj lojtari bardhezi për t?u futur në tratativë, për të ulur kërkesën ekonomike prej 40 milionë eurosh.

Dhe duke parë se nga Anglia konkurrenca e Arsenalit është shumë e fortë, drejtuesit e ?Zonjës së Vjetër? kanë vendosur që mes ditës së sotme dhe maksimumi të shtunën të ulen përballë njëri-tjetrit dhe të mbyllin marrëveshjen. Juvja është gati që të plotësojë kërkesën e Sasuolos, por do të përdorin të njëjtën formulë me të cilën blenë Federiko Kiezën nga Fiorentina:

Pagesë e ndarë në tri këste, brenda 3 viteve të ardhshme. E thënë më qartë, 10 milionë euro për një huazim 1-vjeçar, me detyrim blerjeje dhe pagesën e 20 milionëve të tjera në verën e ardhshme, plus 10 milionë të fundit në qershor 2023. Në këto parametra, Sasuolo pritet që të pranojë, ndërsa Manuel Lokateli i ka thënë tashmë ?po? skuadrës torineze, ku e pret një kontratë prej 5 milionë eurosh neto në sezon, për 5 vitet e ardhshme, 4-fishi i asaj çfarë fiton aktualisht në Rexho Emilia.





Lajmet e fundit nga