web counter
LEXO PA REKLAMA!

SHKARKO APP

App Store
Google Play

E fundit!

x

Ish-Prokurori i Përgjithshëm zvarrit Gjykatën/ Shtyhet seanca për Adriatik Llallën

16 Korrik 2021, 09:40, Kronika CNA

Çështja Llalla, po kthehet në një telenovelë në Gjykatën e Posaçme.

Sërish sot është shtyrë seanca në Apelin e Posaçëm, ku Llalla ka ankimuar vendimin e shkallës së parë.

Seanca është shtyrë për më 29 korrik, pasi mungonte avokati Sokol Hazizaj.

Ka qenë kërkesa e Llallës për shtyrje të seancës pasi ka kërkuar që vendimi të jepej në prani të avokatit të tij.

Kujtojmë se pak ditë më parë seanca u shty për shkak të dorëheqjes së dy gjyqtarëve nga trupa gjykuese.

Në treshen e kryesuar nga Nertina Kosova u dorëhoqën gjyqtarët Dhimitër Lara dhe Saida Dollani, për shkak se kanë shqyrtuar më herët kërkesa të tij.

Ata u zëvendësuan nga gjyqtarët, Miliana Muça dhe Enton Dhimitri.

Llalla u dënua më 20 maj me 2 vite burg dhe me 5 vite heqje e të drejtës për të kandiduar në funksione publike.

Gjithashtu, Gjykata vendosi për sekuestrimin e mbi 20 mijë metra katrorë tokë në pronësi të ish-kryeprokurorit dhe një apartamenti në Durrës. Sipas Gjykatës, Llalla nuk ka pasur burime të ligjshme.

Ai u hetua edhe për pastrim parash, por në fund u dënua vetëm për fshehje të pasurisë./CNA.al





Lajmet e fundit nga