web counter
LEXO PA REKLAMA!

SHKARKO APP

App Store
Google Play

Falsifikonin dokumente dhe transportonin klandestinë/ Policia vë në pranga dy persona

16 Korrik 2021, 10:56, Aktualitet CNA

Policia e Korçës, ka vënë në pranga dy persona pasi ishin shpallur në kërkim për falsifikim dhe transportim të paligjshëm të klandestinëve.

Njoftimi i Policisë

Vihen në pranga 2 shtetas të shpallur në kërkim.

Në vijim të punës për kapjen dhe vënien përpara përgjegjësisë ligjore të personave të shpallur në kërkim, specialistët për Hetimin e Krimeve në Komisariatin e Policisë Pogradec bënë ndalimin e shtetasit në kërkim Dorjan Dervishaj, 40 vjeç, banues në fshatin Hudënisht, Pogradec, pasi Gjykata e Shkallës së Parë Korçë e ka dënuar me dy vjet burg për veprën penale ?Falsifikimi i vulave, i stampave ose i formularëve? kryer në bashkëpunim.

Gjithashtu, specialistët për Hetimin e Trafiqeve të Paligjshme në Drejtorinë Vendore të Policisë Korçë, në bashkëpunim me shërbimet e Komisariatit të Policisë Durrës, bënë ndalimin e shtetasit në kërkim A. D., 28 vjeç, banues në Durrës, pasi Gjykata e Shkallës së Parë Korçë, me vendimin e datës 11.10.2020, i ka caktuar masën e sigurisë ?Arrest në burg? për veprën penale ?Ndihma për kalim të paligjshëm të kufijve?, kryer në bashkëpunim.

Materialet në ngarkim të tyre i kaluan Prokurorive të Rretheve Gjyqësore Korçë e Pogradec, për veprime të mëtejshme./ CNA.al





Lajmet e fundit nga