web counter
LEXO PA REKLAMA!

SHKARKO APP

App Store
Google Play

Zbulohet një varr me 5 trupa në Përmet/ Dyshimet e para

15 Korrik 2021, 10:43, Aktualitet CNA

Në një sipërfaqe gati 100 metra katrorë është zbuluar një varr ku janë të varrosur 4  trupa dhe një tjetër pak më matanë. Trupat janë gjetur nga firma ndërtuese e cila merret me shtrimin e rrugës në lagjen e re të Përmetit Firma ndërtuese ka informuar autoritetet policore dhe këto të fundit  kane rrethuar zonën në fjalë.

Ka qenë kreu i shoqatës e të ish-të përndjekurve politikë, Nebil Çika, që ka njoftuar se ky vend ka shërbyer për ekzekutimin e disidentëve dhe kundërshtarëve të regjimit dhe ka qenë hapësirë e Ministrisë së Punëve të Brendshme. Në një intervistë për Report Tv Çika thotë se 2 javë që është zbuluar ky varr dhe ende nuk ka asnjë reagim nga institucionet, kryesisht nga Prokuroria e Përmetit.

Çika thotë se ka dëshmitarë që janë të bindur që të vdekurit varroseshin këtu. Sipas tij banorët shpesh dëgjonin krisma por që herë pas herë nuk e ndanin nëse bëhet fjalë për qitje apo ekzekutime.

“Ka qenë repart ushtarak i sigurisë së shtete. Askush nuk futej nga qytetarët. Tani ka pallate por dikur ka qenë zonë e ndaluar për qytetarët. Deri në 1991 ishte qendra e trajnimit të forcave të Ministrisë së Brendshme. Këto vende në bazë të dokumenteve nga arkivi i Ministrisë së Brendshme, janë përdorur edhe për ekzekutimin e kundërshtarëve politikë. Këto vende janë përdorur si vende pushkatimi ose varrosje të atyre që kishin vdekur nga torturat. Dëshmitë e njerëzve thonë që njerëzit varroseshin këtu Krisma e pushkatime ka pasur.

Shteti shqiptar ka një detyrim moral dhe ligjor të sqarojë se për çfarë bëhet fjalë”, tha Nebil Çika.





Lajmet e fundit nga