web counter
LEXO PA REKLAMA!

SHKARKO APP

App Store
Google Play

Rreziku nga varianti Delta/ Rakacolli: Kemi dyshime të forta që është i pranishëm në Shqipëri

13 Korrik 2021, 19:40, Lifestyle CNA

Zëvendës ministrja e Shëndetësisë, Mira Rakacolli u shpreh se ka dyshime të forta se varianti Delta është i pranishëm në Shqipëri, por ende nuk është konfirmuar asnjë rast.

Në një lidhje për Ora News ajo u shpreh se nuk mund të themi që e kemi superuar luftën me virusin, pasi kemi ende raste aktive, por nuk priten më valë të mëdha si ato që kemi përjetuar.

“Do doja të thoja që e kemi fituar luftën, por fatkeqësisht nuk e themi dot, luftën nuk e kemi superuar. Ne vërtet qëndrojmë në një situatë të qëndrueshme, megjithëse ditët e fundit kemi një rritje të lehtë të rasteve ditore.  Kjo nuk është shqetësuese, por është një sinjal që virusin e kemi të pranishëm. Nuk mund të themi që tashmë e kemi kaluar rrezikun, por nuk priten valë të mëdha që i kemi përjetuar.

Ka dyshime të forta që virusi Delta është i pranishëm në Shqipëri. Ne po presim një konfirmim nga laboratorët e referencës që kemi në Gjermani. Përsa i përket mbrojtjes së variantit Delta të vaksinave duhet të presim edhe pak duke qenë se është një variant i ri, pro studimet laboratorike tregojnë që janë efikase.”/CNA.al





Lajmet e fundit nga