Zhurma e krijuar mbi variantin e rrezikshëm të Covid/ Alimehmeti publikon studimin dhe jep lajmin e mirë

12 Korrik 2021, 15:17, Lifestyle CNA

Mjeku epidemiolog Ilir ka publikuar një studim të OBSH-së në lidhje me imuntetin ndaj Covid-19 të atyre që kanë kaluar virusin si dhe personave të infektuar.

Alimehmeti bën me dije se studimi vërteton se personat e vaksinuar me Pfizer dhe Moderna kanë krijuar imunitet ndaj varianteve të reja.

Postimi i plotë i Ilir Alimehmetit:

?Vepro shpejt, pa pendesë? Nëse për të vepruar ke gjithmonë nevojë të kesh të drejtë, asnjëherë nuk do të fitosh!?

Cit.: Dr. Mike Ryan (Epidemiolog ? OBSH)

Lajme të mira miqtë e mi mbi imunitetin kundër varianteve të SARS-CoV-2 miqtë e mi!

Zhurma mbi aftësinë e varianteve për të kapërcyer efektin e imunitetit natyror dhe atë të ofruar nga vaksinat, deri tani ishte thjesht kaq: zhurmë!

Me të vërtetë ishin më të transmetueshëm dhe kush nuk ishte imunizuar natyrisht apo pasivisht duhet të kishte kujdes prej tyre, por në asnjë bazë literature nuk vërehej risku i tejkalimit të imunitetit, përveç rënies së numrit të antitrupave që është vetëm një prej elementëve të imunitetit.

Këtë na e vërteton sërish (sepse tashmë studimet bëhen për të provuar atë që njihet që më parë) instituti prestigjioz La Jolla Institute for Immunology (SHBA), të cilët botuan studimin e tyre në Cell

Reports Medicine më 01 korrik 2021, pasi testuan aftësinë e përgjigjes imunitare qelizore kundër:
Ëuhan-1 (virusi origjinal),
B.1.1.7 ose varianti alfa / britanik,
B.1.351 ose varianti beta / afrikanojugor,
P.1 ose varianti gama / brazilian, dhe
CAL.20C ose varianti epsilon / kalifornian.

Në veçanti janë studiuar 4 grupe të ndryshme individësh:
një grup kontrolli personash të paekspozuar ndaj COVID-19 (gjak i marrë përpara pandemisë),
një grup që e ka kaluar në mënyrë natyrore COVID-19,
një grup i vaksinuar me Pfizer, dhe
një grup i vaksinuar me Moderna.

Gjetjet kryesore:
? Qelizat (limfocitet) T të personave të ekspozuar apo të vaksinuar i njohin me efektivitet variantet e SARS-CoV-2
? Njihen në mënyrë efektive (në analiza AIM dhe FluoroSPOT) proteina spike dhe proteina të tjera.
? 93% dhe 97% e epitopeve të limfociteve CD4 dhe CD8 epitopes janë të konservuara 100% në të gjithë variantet.