web counter
LEXO PA REKLAMA!

SHKARKO APP

App Store
Google Play

E fundit!

x

Trafikuan 2 ton kanabis në Itali/ Ekstradohet nga Gjermania anëtari i grupit “Avdylaj”

12 Korrik 2021, 06:56, Kronika CNA

Petrit Sulejmani, 49 vjeç është ekstraduar nga Gjermania. Sipas Policisë, Sulejmani ishte shpallur në kërkim ndërkombëtar.

Ai rezulton të jëtë i lidhur me grupin Avdylaj, i cili  do trafikonte 2 ton kanabis në Itali, në vitin 2017

“Ky shtetas ishte shpallur në kërkim ndërkombëtar nga ZQK Interpol Tirana, pasi Gjykata për Krimet e Rënda Tiranë, në vitin 2018, i ka caktuar masën e sigurimit personal ?Arrest në burg”, për veprat penale “Prodhimi dhe shitja e narkotikëve”, “Trafikimi i narkotikëve”, kryer në bashkëpunim, në formën e posaçme të grupit të strukturuar kriminal, “Grupi i strukturuar kriminal”, “Kryerja e veprave penale nga organizata kriminale dhe grup i strukturuar kriminal” dhe “Pastrimi i produkteve të veprës penale”.

Shtetasi P. S. dyshohet si pjesëmarrës në grupin e strukturuar kriminal që ka vepruar së bashku me persona të tjerë në episodin e trafikimit të 2 ton lëndë narkotike cannabis sativa, më datë 08.02.2017, nga Shqipëria në Itali, si dhe i përfshirë në episode të tjera të prodhimit dhe shitjes së narkotikëve”, njofton Policia.

Gjithashtu është ekstraduar edhe  shtetasi Klodjan Zanaj, 39 vjeç, banues në Vlorë.

Ky i fundit  ishte shpallur në kërkim ndërkombëtar nga ZQK Interpol Tirana, pasi Gjykata e Rrethit Gjyqësor Tiranë, me vendimin gjyqësor në vitin 2019, e ka dënuar me 1 vit e 6 muaj burg, për kryerjen e veprës penale ?Mashtrimi?. Ky shtetas, në periudhën kohore 2016-2017, më anë të mashtrimit ka mundësuar përfitimin e një shume të konsiderueshme parash, në dëm të shtetases J. L., me banim në Tiranë./CNA.al





Lajmet e fundit nga