web counter
LEXO PA REKLAMA!

SHKARKO APP

App Store
Google Play

E fundit!

x

Kapet me 56 emigrantë të paligjshëm në furgon/ Pranga 46 vjeçarit, një tjetër në kërkim

11 Korrik 2021, 16:37, Kronika CNA

Një person ka rënë në prangat e policisë së Korçës dhe një tjetër është shpallur në kërkim.

Policia bën me dije se shtetasi Altin Melani në bashkëpunim me 36 vjeçarin e shpallur në kërkim janë kapur duke transportuar në drejtim të Tiranës, me mjetin tip furgon të markës ?Benz? në pronësi të shtetasit E. H., 56 emigrantë të paligjshëm.

Njoftimi i plotë i Policisë së Korçës:

Vijon operacioni policor ?Perimetri?.

U kap duke transportuar 56 emigrantë të paligjshëm, vihet në pranga 1 shtetas dhe shpallet në kërkim 1 tjetër.

Shërbimet e Komisariatit të Policisë Pogradec, në  bashkëpunim me strukturat për Hetimin e Krimeve në Drejtorinë Vendore të Policisë Korçë, Shërbimet për Çështjet e Brendshme dhe Ankesat Korçë, Policinë Kufitare dhe Policinë Rrugore, në vijim të operacionit të koduar ?Perimetri?, kanë goditur një tjetër rast të aktivitetit kriminal të dhënies së ndihmës shtetasve të huaj, për kalim të paligjshëm të kufirit, kundrejt shpërblimit, si rezultat i të cilit u bë kapja dhe arrestimi në flagrancë i shtetasit A. M., 46 vjeç, banues në Durrës dhe u shpall në kërkim shtetasi E. H., 36 vjeç, banues në fshatin Hotolisht, Librazhd.

Shërbimet e policisë rrugore, kanë kapur në dalje të qytetit të Pogradecit, shtetasin A. M., duke transportuar në drejtim të Tiranës, me mjetin tip furgon të markës ?Benz? në pronësi të shtetasit E. H., 56 emigrantë të paligjshëm, të cilëve kundrejt shpërblimit iu kishte premtuar kalimin drejt vendeve të BE-së.

Materialet në ngarkim të tyre i kaluan Prokurorisë së Rrethit Gjyqësor Pogradec për veprime të mëtejshme hetimore.

 





Lajmet e fundit nga