web counter
LEXO PA REKLAMA!

SHKARKO APP

App Store
Google Play

E fundit!

x

Zhgënjyen në Europian, Holanda kërkon një ish për pankinën

9 Korrik 2021, 15:55, Sport CNA

Luis van Gal mund të jetë trajneri i ardhshëm i Holandës. 69-vjeçari ndodhet në Portugali me pushime dhe zyrtarë të Federatës së Futbollit Holandez i janë bashkuar atij për ta bindur që të marrë drejtimin e kombëtares.

Nëse Van Gal do të pranojë të drejtojë sërish ?Tulipanët? pas Botërorit të 2014-ës, atëherë kontrata e tij do të jetë gati në fund të javës. Kujtojmë që Van Gal u largua nga trajningu, dhe pse jo zyrtarisht duke preferuar t?i kushtohej jetës private.

Gjithsesi, largimi i Frank de Burit nga kombëtarja pas eliminimit të parakohshëm nga Europiani ka bërë që drejtuesit e Federatës Holandeze të nisin menjëherë nga puna për të gjetur një zëvendësues të denjë.

Botërori i Katarit është pas një viti dhe drejtuesit e kombëtares nuk duan të humbasin kohë për trajnerin, pasi kërkojnë që skuadra të jetë kompetitive dhe më parë të sigurojnë kualifikimin. Humbja ndaj Çekisë në fazën e 1/8-ve zhgënjeu jo pak tifozët holandezë, të cilët duan të shohin në krye të skuadrës një trajner me provojë.

Ndërkohë që, sipas mediave në vend, nëse Van Gal nuk do të pranonte propozimin për të drejtuar ?Tulipanët?, atëherë ata do ta drejtonin vëmendjen te një trajner i huaj. Emrat janë të shumtë duke nisur nga ish-trajneri i Gjermanisë, Joakim Lëv, i cili pas largimit nga ?Pancerat? është pa skuadër.





Lajmet e fundit nga