web counter
LEXO PA REKLAMA!

SHKARKO APP

App Store
Google Play

Daja: Ky ekip një javë më parë mposhti Sherifin! Në Moldavi nuk shkojmë për të festuar

8 Korrik 2021, 20:31, Sport CNA

Trajneri i Partizanit, Ilir Daja, u shpreh tepër i kënaqur, për triumfin 5-2 që skuadra e tij arriti në ndeshjen e parë të Ligës së Konferencës ndaj moldavëve të Sfintul. Në prononcimin pas kësaj sfidë, tekniku kryeqytetas deklaroi:

Fitorja- Është një fitore e rëndësishme pavarësisht se dukej e lehtë, e bënë futbollistët e lehtë. Po ky ekip jo më shumë se një javë më parë, me Sherifin barazoi dhe fitoi me penallti. Është një ekip që mblidhet shumë mirë mbrapa, ne duhet të ishim të qetë në qarkullimin e topit.

Ne nuk e kemi gjendjen optimale, disa lojtarë kanë ardhur me vonesë. Gligorov ka vetëm 1 javë me ekipin. Musta është nisur direkt për ekzaminim, shpresojmë mos ketë një dëmtim të rëndë. Në atë rol, tërhoqëm Markun, që në kampionatin e kaluar ka luajtur mesfushor qendror. Nuk kemi alternativë tjetër, Musta na prish shumë punë. Gligorov doli për arsye se nuk kishte gjendjen e duhur fizike.

Kualifikimi ? Këtë eliminatore janë me kualifikime, duhet të ishim të kujdesshëm. Mund të kishim shmangur golin e dytë. Belica ishte i dëmtuar, duhet ta zëvendësonin lojtarët mesfushorë. Kemi bërë një hap goxha të madh. Nuk vlejnë golat në fushën kundërshtare. Rezultati është me 3 gola diferencë. Në Moldavi nuk do të shkojmë për të festuar, do të shkojmë të bëjmë lojën tonë. Vendosjen e ekipit moldav në 20 minutat e fundit, duhet ta trajtojmë me kujdes.

Fitorja më e thellë e një skuadre shqiptare në Europë- Ndihem shumë mirë, të gjithë  çunat kanë dhënë maksimumin. Të luash 90 minuta me një kundërshtar që bëri 5 ndërrime, gjithë merita i shkon ekipit. Më vjen mirë që këta çunat bënë fitoren më të thellë në kompeticionet europiane.

Pozicioni i Muratajt- Murataj është një lojtar që ka cilësi për të mbështetur pjesën e sulmit, sot ka bërë mirë edhe në pozicionin e ekranit. Është një alternativë më shumë kur nuk do të kemi në lojë Koten?, deklaroi Daja.





Lajmet e fundit nga