E fundit!

09:42 Aktualitet

“Jam i kërcënuar me jetë, si unë dhe familja ime”/ Flet ish i dënuari, akuza oficerit të policisë gjyqësore

Besmir Gjezari sot ka përfituar lirinë falë projektligjit ...

Lëvizjet e Veliut me të dështuarit e Policisë/ Ramës i përplasin në fytyrë, skandalin

6 Korrik 2021, 07:10, Aktualitet CNA

Një ditë më parë, Drejtori i Përgjithshëm i Policisë Shtetit, Ardi Veliu u zgjua me lëvizje të reja në strukturën e Policisë.

U tha lëvizje të reja, por në fakt ishte thjesht riciklim, dhe disa drejtorë thjesht ndërruan destinacionin gjeografik, me gjithë dështimet që mbartnin.

Ikën nga një qark ku kishin dështuar,ku krimi bënte ligjin dhe shkuan një qark tjetër me bekimin e Ardi Veliut për ta thelluar më tej dështimin.

Këto lëvizje, sa për të larë gojën, në një kohë që vendi çdo ditë po përgjaket e po mbushet me viktima janë vërejtur edhe nga qytetarët, të cilët, kanë bërë përgjegjës Kryeministrin Edi Rama.

Ky i fundit ka uruar mirëmëngjesin në rrjete sociale, sikur mos të ketë ndodhur asgjë, sikur rendi dhe siguria të jenë në top formë, por nuk i ka shpëtuar reagimit qytetar për lëvizjet skandaloze në Polici.

?Mirëmëngjes dhe me këto pamje të peshkatarëve në rivierën tonë që të çlodhin sytë, por që po i japin një hov ekonomisë tonë, ku që prej 2013-tës sektori i peshkimit ka njohur rritje të ndjeshme falë edhe politikave tona e përmes lehtësirave fiskale që ne kemi ndërmarrë, ju uroj një ditë të mbarë?, shkruan Rama në rrjete sociale.

Përveçse reagimeve që ka pasur për temën që Rama ka postuar, është prekur edhe tema e Policisë.

Qytetarët konstatojnë se ashtu siç ndodh me Ministra, apo drejtorë që janë të dështuar apo që akuzohen për korrupsion dhe lihen sërish në detyrë e njëjta gjë, sipas tyre, ka ndodhur edhe me drejtuesit e Policisë, të cilët një ditë më parë u trumbetuan si lëvizje.

?Si ka mundësi që në këto 30 vite demokraci nga çdo parti vendosen Ministra ose drejtorë dhe kur nuk arrijnë atë detyrë që u është caktuar ose më keq akoma kur hiqen nga detyra për një shkelje ose të dyshuar për korupsion personal ose në lidhje me familjarët, këto persona vazhdojnë përsëri punën ose thjesht zëvendësohen nga një post në postin tjetër siç bëtë së fundmi me drejtorat e Policisë??, shkruan një qytetarë.

Po sjellim më poshtë reagimet e qytetarëve të cilat në disa raste shpëtojnë pa u fshirë nga rrjeti social i Kryeministrit./CNA.al