E fundit!

21:40 Denoncim

Një vit pritje për 3 milionë borxh, çfarë ndodhi pas ndërhyrjes së “Stop”

Rasti i radhës i transmetuar në emisionin “Stop”, këtë të ...

Arrestohen dy mjekë të Spitalit të Traumës

3 Korrik 2021, 09:44, Kronika CNA

Dy mjekë të Spitalit të Traumës në Tiranë, kanë rënë në prangat e policisë, pasi dyshohen se kanë marrë para për kryerjen e një operacioni.

Policia bën të ditur se në kuadër të operacionit të koduar ?Bisturia?, janë vënë në pranga një mjek kirurg dhe një mjek anestezist, si dhe një shtetas që iu ka dhënë këtyre dy mjekëve, një shumë parash për të kryer operacionin e djalit.

I arrestuari eshte babai i 17-vjeçarit, Elmedin Dylli, që u plagos në masakrën e Velipojës.

Gjithashtu, janë sekuestruar në cilësinë e provës materiale paratë që kanë marrë mjekët për kryerjen e operacionit.

?Strukturat Hetimore të DVP Shkodër dhe të Komisariatit të Policisë Shkodër, me mbështetjen e forcës së Posaçme ?Shqiponjat? të Drejtorisë Vendore të Policisë Tiranë, në bashkëpunim me Prokurorinë e Rrethit Gjyqësor Shkodër, organizuan dhe finalizuan operacionin policor të koduar ?Bisturia?.

Në kuadër të operacionit u bë ndalimi për veprën penale ?Korrupsioni pasiv i personave që ushtrojnë funksione publike?, i shtetasve: S. M., 34 vjeç, me profesion mjek kirurg ortoped pranë Spitalit Universitar të Traumës Tiranë dhe E. S., 45 vjeç, me profesion mjek anestezist reanimator pranë Spitalit Universitar të Traumës Tiranë.

-Gjithashtu u bë ndalimi për veprën penale ?Korrupsion aktiv i personave që ushtrojnë funksione publike?, i shtetasit F. D, 40 vjeç, banues në Shkodër.

Ndalimi i tyre u bë për arsye se në ambientet e një qendre spitalore në Tiranë, pas një operacioni mjekësor që kirurgu S. M. dhe anestezisti E. S. i kanë bërë shtetasit E. D., i plagosur mbrëmjen e datës 27 qershor, në Velipojë, i ati i pacientit, shtetasi F. D. dyshohet se iu ka dhënë të dy mjekëve një sasi parash për kryerjen e operacionit.

Pas kontrolleve të ushtruara, shërbimet e Policisë kanë gjetur dhe sekuestruar në cilësinë e provës materiale shumën 377.000 lekë të rinj dhe 55 euro.

Materialet u referuan në Prokurorinë pranë Gjykates së Shkallës së Parë Shkodër.?-thuhet në njoftimin e policisë./CNA.al