web counter
LEXO PA REKLAMA!

SHKARKO APP

App Store
Google Play

E fundit!

x

Prokurori, pjesë e rrjetit të trafikut të drogës/ Maksim Sota synonte SPAK-un

2 Korrik 2021, 07:32, Kronika CNA

Prokurori i arrestuar Maksim Sota, ka qenë një nga kandidatët që konkuroi për t?u bërë pjesë e Strukturës së Posaçme Antikorrupsion.

Kur është intervistuar, nga Këshilli  i Lartë i Prokurorisë, Sota ka shprehur ambicien e tij për hetime të rëndësishme dhe ka deklaruar se mbante përgjegjësi të plotë për dosjet që ka hetuar.

?Kam kërkuar gjithmonë të hetoj dosje të vështira dhe të përdor njohuritë e mia në ngritjen e akuzës. Kam mbajtur përgjegjësi maksimale për dosjet që kam pasur në hetim dhe të cilat kanë përfunduar në Gjykatë me vendime të formës së prerë?, ka thënë Sota, ndërsa aspironte për në SPAK.

Por, Këshilli i Lartë i Prokurorisë, pas intervistës nuk e përzgjodhi në grupin e kandidatëve kualifikues, duke e lënë kështu jashtë SPAK-ut.

Kujtojmë se Maksim Sota e ka nisur detyrën në Prokurorinë e Vlorës dhe ka qenë drejtuesi kësaj prokurorie për disa vite.

Ai po hetohej nga Vettingu që prej viti, por ende nuk ka dalë në seancë dëgjimore, pasi në 2019 u shkëput me leje të KPK-së për t;u kthyer sërish në 2020-ën.

Në aspektin e pasurisë, prokurori Maksim Sota të ardhurat i ka nga paga e tij dhe e bashkëshortes por edhe nga shitja e pasurisë së patundshme.

Sota rezulton pronar i 390 m2 arë+ truall dhe i 7500 m2 arë ,në Lushnje, dhuruar nga babai i tij.

Bashkëshortja e tij ka blerë në vitin 2007,  5 000 m2 tokë me vlerë 100 000 lekë dhe e ka shitur në vitin 2014 me vlerën 6 000 000 lekë.

Në vitin 2017 ai ka blerë  një automjet  BMV me vlerë 1 200 000 lekë dhe po në të njëjtin vit ka shpenzuar për rikonstruktimin e pjesshëm dhe mobilimin e banesës në Krutje, 6 189 163 lekë./CNA.al





Lajmet e fundit nga