web counter
LEXO PA REKLAMA!

SHKARKO APP

E fundit!

x

Kalon 3 miliardë numri i vaksinave të dhëna në të gjithë botën

30 Qershor 2021, 06:26, Kosova & Bota CNA

Numri i vaksinave kundër koronavirusit, të dhëna në të gjithë botën, ka kaluar 3 miliardë. Vaksinimi ka nisur në fund të dhjetorit, por është intensifikuar vetëm muajve të fundit.

Sipas llogaritjeve të kompanisë amerikane Bloomberg, 23 për qind e vaksinave janë dhënë në 27 vende të pasura dhe kjo dëshmon pabarazinë në qasjen në vaksina. Shtetet e Bashkuara kanë dhënë 11.1 për qind të dozave, ndërsa Kina 40 për qind.

Në pjesën më të madhe të Afrikës, norma e vaksinimit është nën 1 për qind, ngjashëm sikurse në vende të tjera të varfra. ?Bota po dështon?, tha drejtori i përgjithshëm i Organizatës Botërore të Shëndetësisë, Tedros Adhanom Ghebreyesus.

?Ne po përballemi me një pandemi me dy drejtime, të nxitura nga pabarazia?, tha ai. Paralajmërimi vjen në kohën kur varianti Delta i koronavirusit është duke u përhapur në mesin e njerëzve të pavaksinuar në të gjithë botën, duke detyruar vendet nga Azi-Paqësori deri në Rusi të vendosin ose të zgjasin masat e kufizimit.

Ky variant, i identifikuar për herë të parë në Indi, është më ngjitës. Organizata Botërore e Shëndetësisë e ka klasifikuar atë si variant shqetësues. Në të gjithë botën, koronavirusi ka prekur mbi 181 milionë njerëz. Prej tyre, mbi 3.9 milionë kanë vdekur. REL





Lajmet e fundit nga