web counter
LEXO PA REKLAMA!

SHKARKO APP

App Store
Google Play

E fundit!

x

Video-"Perimetri" i bën “gjëmën” 19 vjeçarit në Korçë/ Çfarë iu gjet gjatë kontrollit në mjet

26 Qershor 2021, 09:29, Kronika CNA

Një 19-vjeçar ka rënë në prangat e Policisë së Korçës, pasi është kapur duke transportuar emigrantë të paligjshëm.

Mësohet se në kuadër të operacionit “Perimetri”, është bërë i mundur arrestimi në flagrancë i shtetasit R. K., 19 vjeç, banues në Tiranë.

?Specialistët për Hetimin e Narkotikëve dhe Trafiqeve të Paligjshme në DVP Korçë, në bashkëpunim me Policinë Kufitare, Policinë Rrugore dhe Komisariatin e Policisë Pogradec, në vijim të operacionit të koduar “Perimetri”, kanë goditur një tjetër rast të aktivitetit kriminal të dhënies së ndihmës shtetasve të huaj, për kalim të paligjshëm të kufirit, kundrejt fitimit, si rezultat i të cilit u bë kapja dhe arrestimi në flagrancë i shtetasit R. K., 19 vjeç, banues në Tiranë.

Shërbimet e Policisë kanë konstatuar në aksin rrugor Korçë-Pogradec, në afërsi të fshatit Çërravë, shtetasin e mësipërm i cili ishte duke lëvizur me mjetin tip “Volkswagen” dhe i kanë bërë me shenjë drejtuesit të mjetit që të ndalonte. Shtetasi R. K., nuk iu është bindur urdhrit të tyre për të ndaluar dhe është larguar me shpejtësi, por pas ndjekjes është kapur dhe neutralizuar. Gjatë kontrollit të ushtruar në mjet u konstatuan 13 emigrantë të paligjshëm, të cilëve 19-vjeçari kundrejt shpërblimit, iu kishte premtuar kalimin drejt vendeve të BE-së.

Materialet i kaluan Prokurorisë së Rrethit Gjyqësor Korçë, për veprime të mëtejshme.?-thuhet në njoftimin e Policisë së Korçës./ CNA.al





Lajmet e fundit nga