Lulzim Basha dhe aksioni imagjinar i opozitës

19 Qershor 2021, 16:36, Politikë CNA

Lulzim Basha dhe aksioni imagjinar i opozitës

Lulzim Basha u rizgjodh në krye të PD për të drejtuar në katër vitet e ardhshme opozitën, pas humbjes në zgjedhjet e 25 prillit.

Zgjedhjet e brendshme në selinë blu u pasuan me një sërë denoncimesh, duke nisur nga Agron Shehaj i cili ishte kandidat për kryetar, ku deklaroi se komisionerët e tij nuk janë pranuar në qendrat e votimit, dhe më pas nga Edith Harxhi e cila u shpreh se procesi ka pasur manipulime.

Madje denoncimet e tyre u vërtetuan edhe nga investigimi i Fiks Fare, ku nxorri në pah votimet familjare dhe manipulimet që u bënë në këto zgjedhje.

Por pas gati tre vitesh, Lulzim Basha dhe deputetët pas tij kanë vendosur të rikthehen në karriget e Kuvendit.

PD dhe LSI, dogjën mandatet parlamentare me argumentin se do të rrëzonin qeverinë dhe kryeministrin Edi Rama. Por e vetmja gjë që arritën nga ky aksion ishte ?rrëzimi? i vetes së tyre.

Pas disa ditësh e javësh protesta dhe xhiro rreth Kryeministrisë, Basha mblidhte mbështetësit e tij në selinë blu, u këndonte himnin kombëtar dhe më pas i shpërndante. Pas çdo tubimi, ai shprehej se ajo ishte protesta më e madhe dhe se qeveria ra.

E në fakt kjo ishte thjesht ?ëndrra për një karrige?, pasi jo vetëm që qeveria nuk ra, por ajo fitoi edhe mandatin e tretë.

E kur braktisi vullnetin e qytetarëve në mes dhe i fali socialistëve të gjitha bashkitë e vendit, Basha rikthehet për të vazhduar misionin e tij: Rrëzimin e Edi Ramës.

Duke hedhur akuza se zgjedhjet u vodhën me paratë e krimit, Basha vazhdon të ëndërrojë për karrigen e kryeministrit, aq sa në mënyrë kontradiktore, ndonëse nuk i njeh zgjedhjet kërkon të hyjë në Kuvend.

Aksioni imagjinar për rrëzimin e qeverisë, është aq i pabesueshëm, sa nuk po artikulohet më as nga bashkëpunëtorët e tij më të afërt./CNA.al