web counter
LEXO PA REKLAMA!

SHKARKO APP

App Store
Google Play

Nesër mbahet seanca për shkarkimin e Metës/ Adriatik Alimadhi deklaron votën e tij

8 Qershor 2021, 20:02, Politikë CNA

Kuvendi do të votojë nesër raportin e përgatitur nga Komsioni Hetimor për shkarkimin e presidentit Ilir Meta për shkelje të rënda ligjore.

Deputeti Adriatik Alimadhi thotë se do të votojë kundër raportit të Komisionit Hetimor për  shkarkimin e presidentit dhe rikujtoi se edhe për ngritjen e Komisionit Hetimor ka votuar kundër për shkak se duhet të ishte ngritur katër muaj më parë.

Alimadhi tha se vetëm nëse supozojmë se mund të dalë diçka që presidenti mund të ketë bashkëpunuar me rusët mund të ndryshojë edhe votën e tij.

“Presidenti mund të shkarkohet për shkelje të rëndë nuk gjykoj mendoj se GJK nuk mundet ta marrë si pikë të dobishme për shkarkimin e presidentit. Kjo është një përplasje midis dy individëve, nesër votohet vendimi i Komsionit Hetimor dhe hapi tjetër në GJK, nesër do kemi miratimin e raportit dhe pastaj për shkarkimin.

Unë flas për veten time, qëndrimi unë gjykojë përderisa kam votuar kundër ngritjes së Komsionit Hetimor, pasi i kishte mbaruar afati. Vetë Komisioni duhet të ishte ngritur kohë më parë. Ju i keni parë si janë zhvilluar seancat. Unë në përputhshmëri me partinë e Ballit Kombëtar ruaj interesin tim kombëtar e kam deklaruar votën time kundër. Po supozojmë se nesër del se presidenti ka bashkëpunuar me rusët mund të ndryshojë dhe vota ime. Unë e kam deklaruar votën time kundër. Gjithë retorikën e presidentit e kemi pasur për zgjedhje të lira dhe të ndershme.

Nëse nesër do të dalin evidenca që e lidhin me Rusinë do të votoj pro. Nëse preket interesi kombëtar nëse kam një provë një dokument, unë votoj çdo gjë që prish interesta kombëtare. qendrimi i presidentit është gjë tjetër”, tha Alimadhi./CNA.al





Lajmet e fundit nga