web counter
LEXO PA REKLAMA!

SHKARKO APP

App Store
Google Play

Vaksinimi i fëmijëve nga Covid/ Bino jep detajet e para, tregon cila vaksinë do aplikohet

3 Qershor 2021, 14:48, Lifestyle CNA

Pas vendimit të Agjencive Rregullatore Europiane dhe amerikane, Shqipëria po përgatit programin për vaksinimin ndaj koronavirusit të fëmijëve 12 deri në 15 vjeç.

Javën e ardhëshme pritet të mblidhet edhe Komiteti i Ekspertëve, për të  diskutuar mbi planin e vaksinimit në këtë grupmoshë.

Ndërkaq, Shefja e Epidemioligjisë dhe Sëmundjeve Infektive në Institutin e Shëndetit Publik, Silva Bino ka dhënë detaje e e para.

Në një prononcim për A2, Bino tha se Pfizer do të jetë vaksina që do të aplikohet te kjo grupmoshë.

?Deri tani, vetëm Pfizer ka marrë aprovimin për aplikimin te fëmijët e moshave 12-15 vjeç. Ka dhe vaksina të tjera që janë duke u studiuar, por Komiteti i Ekspertëve në vendin tonë po shqyrton dosjet në lidhje me Pfizer-in.

Vaksinimi i kësaj grupmoshe është një rekomandim që po përpunohet dhe po bëhen planet se si do të zbatohet te fëmijët?, u shpreh Bino.

Por, sa zgjat imuniteti i vaksinës ndaj Covid-19? Silva Binos, shefja për sëmundjet infektive në Institutin e Shëndetit Publik, thotë se ende nuk ka të dhëna të sakta përtej afatit 6-mujor, kur ka nisur aplikimi i vaksinave.

?Kemi të dhëna që deri 6 muaj kemi një imunitet mjaft të mirë të vaksinës. Duhet të presim nëse ky imunitet do të vazhdojë i tillë brenda vitit apo dhe më pas. Në bazë të studimeve kemi të dhëna që ata që e kanë kaluar Covid-in, kur bëjnë vaksinën kanë një mbrojtje 20 herë më të lartë. Ky është një element i rëndësishëm që mbështet vaksinimin?./CNA.al

 





Lajmet e fundit nga