web counter
LEXO PA REKLAMA!

SHKARKO APP

App Store
Google Play

E fundit!

x

“Ka ardhur koha e së vërtetës”/ Nishani sfidon Bashën: Nuk më dëbon dot nga PD

3 Qershor 2021, 20:18, Politikë CNA

Ish-presidenti Bujar Nishani, nuk i ka ndalur sulmet ndaj kryetarit të Partisë Demokratike Lulzim  Basha, i cili nuk mundi ta sjellë as kësaj radhe opozitën në pushtet.

Gjatë një takimi me demokratët e Beratit, së bashku me kandidaten për kryetare të PD-së Edith Harxhi, Nishani deklaroi se tashmë ka ardhur koha e së vërtetës.

Ai sfidoi hapur Lulzim Bashën duke thënë se nuk e dëbon dot nga PD.

?Këto historitë me zgjedhje të parakohshme, kemi që nga 2015 që e themi me njëri- tjetrin, tani ka ardhur koha e së vërtetës. Nuk më dëbon dot mua as Basha, asnjë, unë jam anëtar i PD-së.

Unë jam për betejë, për luftë. Nëse deri në dhjetor do të mundet Edi Rama, apo 2022, apo 2024 si kryeministër, siç thotë Basha, unë do të kërkoj falje të madhe.

Nëse bën një projekt, rritesh dhe hapesh dhe përfaqësohemi në të gjithë Shqipërinë me personazhe që mbledhin vota, e rrëzojmë edhe për dy vite Edi Ramën.

Por nëse ju besoni se do të rrëzohet në shtator, unë nuk e besoj, ata që e thonë këtë nuk thonë të vërtetën?, theksoi ish-presidenti./ CNA.al





Lajmet e fundit nga