web counter
LEXO PA REKLAMA!

SHKARKO APP

App Store
Google Play

Atentati ndaj prokurorit Arjan Ndoja/ Dështon seanca gjyqësore

3 Qershor 2021, 10:18, Kronika CNA

Procesi gjyqësor ndaj Redjan Rrajës dhe Arjol Halilajt ka dështuar.

Kjo për arsye se Rraja kishte ndërruar avokat dhe se i riu ka kërkuar që të njihet me dosjen.

Rraja dhe Halilaj janë të akuzuar për atentatin e 1 nëntorit 2019, ku mbeti i vrarë Andi Maloku, ndërsa u plagos Aleksandër Laho dhe prokurori i Durrësit, Arjan Ndoja.

Seanca e radhës u la në datën 15 Qershor.

Ngjarja
Prokurorit Arjan Ndoja iu bë atentat tek mbikalimi i Shkozetit në Durrës. Prokurori ishte në automjet me një person me precedentë penalë, të njohur si i “forti i Sukthit”, Landi Muharremi nga Sukthi, dhe me Andi Malokun, ish-punonjës i policisë në komisariatin e Krujës, në atë kohë shofer i prokurorit.

Makinës ‘Benz’ me targë AA 333 ZD (që rezulton në pronësi të Fadil Çallikut) dhe në përdorim nga Prokurori Ndoja, ju bë atentat pranë mbikalimit të Shkozetit kur u qëllua ndaj tyre me breshëri automatiku nga një tjetër automjet, duke i lënë të tre të plagosur.

Pas breshërisë së plumbave makina doli nga rruga, ndërsa të plagosurit u transportuan me makinë private, një ‘Benz CLS’ që dyshohet se ishin të njohur të të plagosurve.

48-vjeçari Landi Muharremi është me precedentë penalë, i dyshuar si i përfshirë në 2016-ën në rrahjen e biznesmenit libanez i cili do të investonte përmes ndërtimit të një kompleksi në Gjirin e Lalzit, tokë mbi të cilën Muharremi pretendonte pronësinë./CNA.al





Lajmet e fundit nga