web counter
LEXO PA REKLAMA!

SHKARKO APP

3000 euro një minë me telekomandë/ Policia u prish pazarin tre personave

3 Qershor 2021, 07:27, Kronika CNA

Tre persona kanë rënë në pranga për prodhim dhe shitjeve të lëndëve shpërthyese në Durrës.

Në bazë të informacioneve të siguruara në rrugë operative se disa persona me tendencë kriminale në fushën e prodhimit dhe shitjes së minave me telekomande po tentonin të shisnin disa mina me telekomandë, kanë organizuar punën dhe në bashkëpunim me patrullat e përgjithshme kanë finalizuar me sukses operacionin policor të koduar ?Muzeu?

Me  anë të operacionit të koduar “Muzeu”, në lagjen nr. 9 në Durrës, u bë kapja dhe arrestimi në flagrancë i shtetaseve I. A., 47 vjeç, B. Ç., 31 vjeç dhe E. B ., 37 vjeç, të tre lindur në Dibër dhe banues në Sukth, Durrës.

Sipas Policisë, këta shtetas u kapën duke udhëtuar me një automjet tip ?Volvo? me drejtues shtetasin I. A.  dhe pasagjerë shtetasit B. Ç. dhe E. B.

Gjatë kontrollit të ushtruar në mjet nga shërbimet e Policisë u gjetën dhe sekuestruan në cilësinë e provës materiale tri mina të montuara dhe të lidhura me telefon.

Nga hetimet paraprake rezultoi se  këta shtetas do të shisnin disa mina me telekomandë në qytetin e Durrësit, kundrejt shumës 2500-3000 euro copa. /CNA.al





Lajmet e fundit nga