Dy afrikanët e Skënderbeut: Duam Kupën, Memelli na ndryshoi mentalitetin

25 Maj 2021, 13:13, Sport CNA

Skënderbeu ia doli të qëndronte në kategorinë e më të mirëve për këtë sezon. Një sezon i vështirë dhe i zhvilluar mes shumë peripecive dhe dilemave për qëndrimin apo jo të ekipit që ka bërë histori në 12 vitet e fundit në Superiore. Gjithçka u arrit një javë para fundit, pas një fitoreje tejet të rëndësishme përballë Kukësit. Megjithatë, asgjë nuk ishte kaq e qetë sa duket tashmë.

Ganezi i Skënderbeut, Randi Dumfur, tregon sezonin e vështirë dhe angazhimin e lojtarëve pas mbylljes së fazës së dytë të kampionatit, kohë kur korçarët endeshin në fund të renditjes Në një prononcim të dhënë për ?Panorama Sport?, Randi flet për arritjen e objektivit, ndërsa tashmë shënjestron trofeun e Kupës si objektivin e radhës të korçarëve. Objektiv i cili, sipas Randit, është më se i arritshëm.

?Kemi zhvilluar një sezon të çmendur dhe një gjë të tillë mund ta them me plot gojë. E kemi nisur mirë dhe pas fazës përgatitore ishim më se të bindur se mund të bënim maksimumin e mundshëm në këtë sezon. E nisëm vërtet mirë, por ende pa filluar sezoni, u goditëm nga disa dëmtime që na çuan dëm të gjithë përgatitjet dhe planin që kishim bërë për mënyrën e lojës dhe funksionimit si ekip. Kjo që sapo thashë na kushtëzoi shumë dhe na vuri në vështirësi, pasi u desh që të ndryshonim gjithçka. Kjo solli probleme për sa i përket formacionit dhe përshtatjes. Probleme që u reflektuan edhe gjatë sezonit. E vuajtëm shumë një gjendje të tillë, saqë për një moment mund të them se edhe shpresën e kishim humbur. Më pas gjithçka ndryshoi.

Pas janarit dhe me mbarimin e fazës së dytë, kur Memelli erdhi në krye të ekipit, kuptuam se nuk ishim ne ekipi për të rënë nga kategoria. Kishim cilësi dhe fitorja në transfertë me Partizanin na dha besimin që prej kohësh e kishim humbur. Gjithçka më pas ndryshoi dhe arritëm të merrnim maksimumin në ndeshjet e mbetura. Tani jemi gati për çdo përballje dhe të bindur se mund t?ia dalim gjithkund përballë çdo ekipi. Me arritjen e objektivit tashmë gjithçka për ne mbetet Kupa e Shqipërisë. Kemi shkuar deri në finale dhe nuk mund të dorëzohemi këtu. Do të bëjmë ndeshjen e jetës për të arritur fitoren në këtë takim. Jemi të gjithë të karikuar për këtë ndeshje dhe unë jam i bindur se kupa këtë edicion vjen në Korçë?, përfundoi Randi Dumfur.

DOVUNA ? Nga ana tjetër, Denis Dovuna është më i entuziazmuar. Për të është një arritje që vjen vetëm falë grupit dhe shpirtit të garës, ndërsa finalja e Kupës është e para e karrierës së tij. ?Arritëm mbijetesën dhe jemi shumë të kënaqur. Mund të them se nga momenti kur erdha këtu dhe u bëra pjesë e këtij ekipi, kam dëgjuar shumë gjëra dhe mbi të gjitha kam dëgjuar se pse ky ekip nuk meritonte të binte nga kategoria.

Mund të them se ia dolëm të shmangnim diçka që do të kishte ndikim negativ për të gjithë ne, pasi do të mbaheshim mend negativisht. Tani të vijojmë të jemi të përqendruar edhe për ndeshjen e Kupës. Është finalja e parë për mua dhe emocionet janë të mëdha. Do të ishte vërtet diçka fantastike nëse do ta sillnim kupën në Korçë?, deklaroi Denis Dovuna.