“Berisha lider historik”/ Imami: Akuzat e DASH nuk janë provuar

24 Maj 2021, 18:30, Politikë CNA

Ish-ministri i Mbrojtjes dhe ish-deputeti Arben Imami, është pyetur mbrëmjen e sotme për vendimin e sekretarit amerikan të shtetit Antony Blinken, i cili shpalli ?non grata? ish-kryeministrin Sali Berisha dhe familjen e tij.

Imami tha se nga deklarata e Blinken ka kuptuar se korrupsionin nuk e ka kryer Berisha si person, por vendimet e qeverisë së tij kanë sjellë pasoja.

Ish-deputeti e cilësoi ish-kreun e PD-së si një lider historik, ndërsa tha se vendimi i këtij të fundit për të paditur sekretarin amerikan në Paris është i drejtë.

?Zoti Berisha është sikurse e the lideri historik i PD, ka kontribute shumë të mëdha në demokracinë shqiptare. I është njohur edhe ndërkombëtarisht, por z.Berisha ka vendosur ta luftojë si natyra e vet, për nderin dhe reputacionin e tij. Mbas kësaj s?kemi çfarë shtojmë.

Zoti Berisha ka vendosur të mbrojë në një Gjykatë reputacionin e tij, ka të drejtë ta bëjë, ky ishte një me një kuptim lajm i javës së shkuar. Edhe ju bëni punën tuaj. Shoh që duam të flitet po mbi të njëjtin lajm. Pozicione të qarta, komentet janë bërë, Berisha është lideri historik, jemi në këtë gjendje. S?kam koment të posaçëm.

Nuk mund të bëj hamendësime, kam bërë që bëhen në shtyp. Pse SHBA kanë vendosur ta bëjnë publike një vendim të tillë këto ditë, ka lidhje, nuk ka lidhje me zgjedhjet, pranimi i zgjedhjeve. Nuk kam si ta njoh mekanizmin dhe arsyet pse është bërë në këtë kohë. Edhe sikur ta dimë pse është bërë nuk ndihmojmë dot për gjë. S?kam diçka të posaçme?, u shpreh ai në emisionin ?Frontline?.

Më tej, ish-ministri deklaroi se auzat mbi Berishën ende nuk janë povuar, ndaj theksoi se preferon të mos japë shumë deklarata mbi këtë çështje.

?Do doja mos komentoja sepse deklarata është konçize dhe ata që duhet ta komentojnë janë ata që e kanë shkruar. Flitet për aleatë, por nuk di cilët aleatë, nuk di konkretisht.

Dy gjëra të ndryshe. Me çfarë kam vënë re nuk është akuzuar për korrupsion si person. Të paktën kështu e kam kuptuar, flitet për vendime që kanë sjellë pasoja. Kjo është çështja që duhet shpjeguar, persona që kanë penguar apo janë penguar.

Në një vend asnjëri nuk është i korruptuar po nuk u provua. Pyetja është e padrejtë. Sa i përket deklaratës, do të shohim si do të vijojë. Berisha e ka marrë përsipër. Çfarëdo që bëjmë ne, nuk është informacion, sqarim për situatën.

Mendimi im është shumë i qartë. SHBA janë vendi me të cilin interesat tona janë të lidhura pazgjidhshmërisht. Arsyet për deklaratën janë arsye të tyre. Sali Berisha është Berisha fjalë për fjalë, lider historik, ka dhënë kontribute të njohura ndërkombëtarisht, nga vendosja e marrëdhënieve diplomatike. Asnjëra palë s?ka nevojë për avokat. Nuk është në stilin tim për të komentuar?, nënvizoi Imami./ CNA.al