web counter
LEXO PA REKLAMA!

SHKARKO APP

App Store
Google Play

E fundit!

x

Andi Bushati: Kandidatët s’janë fake, por gara brenda PD nuk është reale

24 Maj 2021, 18:51, Politikë CNA

Analisti Andi Bushati thotë se pavarësisht faktit se katër kandidatë garojnë për kryetar të Partisë Demokratike, në fakt nuk ka një garë reale. Sipas tij kjo vjen për shkak se tre kandidatët e tjerë hyjnë në kushte të pabarabarta përballë Lulzim Bashës dhe ndaj pas humbje do të duhej të ishte larguar.

?Për mua nuk është reale dhe është një garë që pavarësisht sikur ka shumë konkurrentë, në fakt të gjithë të tjerët janë në kushte të pabarabarta. Të gjithë e dimë se partitë tona janë shndërruar në parti kryetarësh ku është e pamundur që të rrëzohet kryetarin që ka strukturat. Jam pro atyre që mbështesnin një dorëheqje të Bashës pas humbjes së 25 prillit?, tha z. Bushati.

Ndërsa për analistin Baton Haxhiu zgjedhjet brenda PD ofrojnë garë duke sjellë si shembull faktin se përballë z. Basha janë dy kandidatë që konsideroheshin persona të afërt me kryetarin.

Andi Bushati shtoi në këtë drejtim se ?fakti që kandidatët nuk janë fake nuk është kusht i domosdoshëm për një garë reale?. Ai kujtoi nga ana tjetër zgjedhjet brenda në PS, kur Rama garonte përballë Maqo Lakrorit.

Sipas tij ?është e pamundur që një parti që nuk ka debat të brendshëm dhe nuk ka fraksione, të gjithë janë sejmenë të kryetarit?, të ketë garë duke theksuar se të gjithë e dinë se Basha do të fitojë.

Këtë situatë ai e lidhi me gjendjen e demokracisë brenda partive në Shqipëri dhe bëri një paralele mes fuqisë së Ramës sot në PS dhe pozitat e tij para 9 vitesh kur drejtonte Fatos Nano, ku tha se ?nuk e linin të hynte as në sallë?./euronews





Lajmet e fundit nga