web counter
LEXO PA REKLAMA!

SHKARKO APP

App Store
Google Play

E fundit!

x

Procesi i vaksinimit/ Nelaj: Është nënshkruar kontrata për 500 mijë dozat e tjera

20 Maj 2021, 14:58, Lifestyle CNA

Drejtuesja e programit për vaksinimin Erida Nelaj ka folur për procesin e vaksinimit në vendin tonë. Sipas saj, momentalisht janë duke pritur doza të reja pasi vaksina kineze është në përfundim.

Nelaj theksoi se është nënshkruar kontrata për 500 mijë doza të tjera vaksinash.

?Me vaksinën corovax nuk po bëjmë më dozat e para sepse duam të plotësojmë të gjithë ata që morën dozën e parë të marrin dozën e dytë. Ky moment pushim është thjesht sa të na jep kohë që ne të presim sasinë tjetër për të vazhduar furnizimin.

Sasi të tjera pritet të vijnë dhe tashmë është nënshkruar kontrata edhe për 500 mijë dozat e tjera dhe pritet të vijnë sasitë e para ku ne do të plotësojmë të gjithë ata që kanë nevojë për të marrë dozën e dytë. Dhe do te vijojmë sërish vaksinimet masive me dozat e para?, tha Nelaj.

Në një intervistë për ABC ajo sqaroi se personat që kanë marrë dozën e parë duhet të paraqiteshin brenda datës së vendosur në kartonin e vaksinës. Drejtuesja e këtij procesi theksoi se nuk ka vend për shqetësim duke shpjeguar domethënien e datës së vendosur në karton.

?Njerëzit duhet të kuptojë se ne japim referencë datën minimale si orientuese, pra asnjëherë para kësaj date, por pas kësaj date në çdo kohë mund të bëhet doza e dytë, pra në momentin që është e disponueshme. Si psh vaksina AstraZeneca thotë nga 8 në 12 javë dhe studimet por tregojnë se sa më larg të bëhet aq më mirë është?, sqaroi Nelaj./ CNA.al

 





Lajmet e fundit nga