E fundit!

12:54 Politikë

Protestuesit te selia e PD/ Reagon Berisha: Janë mjerim i politikës

Kryetari i Partisë Demokratike, Sali Berisha ka folur ditë...

Ekzekutimi në Shkodër/ Kush është Ibrahim Liçi, vrasësi i dy vëllezërve Bilali

18 Maj 2021, 09:14, Kronika CNA

Të tjera detaje vijonë të dalin në dritë në lidhje me ekzekutimin e Endri Mustafës në Shkodër. Policia bën me dije se për ngjarjen është shpallur në kërkim Ibrahim Liçi, i dyshuar si autori kryesor i vrasjes së Mustafës, ndërsa është arrestuar edhe një i mitur, 15-vjeçari Ergys Malja, si bashkëpunëtor i tij. Po ashtu në pranga ka rënë edhe Edison Arazi, si person që ka dijeni për ngjarjen.

Shqiptarja.com shkruan se Liçi dhe 15-vjeçari Malja dyshohet se janë personat që kanë qëlluar mbi Mustafën, i cili mori 6 plumba, 1 në gojë, 2 në kokë dhe 3 në gjoks. I mituri u arrestua në flagrancë nga policia.

Kush është Ibrahim Liçi

Ibrahim Liçi është një person i njohur për policinë, ku emri i tij lidhet me ngjarje të bujshme të ndodhura në qytetin e Shkodrës. Ai rezulton edhe autor i vrasjes së dy vëllezërve Ibrahim dhe Astrit Bilali në Shkodër, ngjarje e ndodhur më 30 mars të vitit 2019.

Në atë kohë u vunë në pranga dy bashkëpunëtorët e tij Arsen Stojku 29 -vjeç dhe Mislim Rama 23 -vjeç nga Vau i Dejës, ndërsa vetë Liçi u shpall në kërkim.

Ai është djali i Mustafa Liçit, ky i fundit i arrestuar më herët për gjobëvënie ndaj tregtarëve në qytetin e Shkodrës.

Kujtojmë se Endri Mustafa ishte pjesë e grupit të Astmer Bilalit në Shkodër, i cili prej kohësh ishte në konflikt me familjen e famshme të kryeqendrës së veriut, Liçajt.

Ai ka qenë një emër i njohur në Shkodër si person me precedentë penalë dhe i lidhur me grupe kriminale të qytetit. Viktima Mustafa ka qenë i arrestuar më parë pas një operacioni të policisë së Shkodrës, ku është sekuestruar një arsenal i madh armësh. Në këtë operacion Mustafa është vënë në pranga së bashku me pjesëtarë të tjerë të grupit të Astmer Bilalit. Gjithashtu Endri Mustafa është i dënuar më parë për plagosje dhe i arrestuar për fajde dhe grabitje.

Mustafa, baba i dy fëmijëve, u gjet i vdekur në zonë e Livadheve dje në Shkodër, tre ditë pasi familja e kishte denoncuar si të zhdukur.