web counter
LEXO PA REKLAMA!

SHKARKO APP

App Store
Google Play

Kapen 400 kg drogë në Kosovë/ Artan Hoxha: Ishte destinuar për tregun e pasur të BE

17 Maj 2021, 20:27, Kronika CNA

Ditën e sotme janë sekuestruar 400 kg kokainë në Lipjan të Kosovës dhe në këtë operacion policia ka arrestuar shtatë persona.

Sipas mediave kosovare, tre prej të arrestuarve janë Izet Sheqiri, Enver Belegu dhe Bajram Maliqi, ndërsa emri i të tjerëve nuk është bërë ende publik.

Për këtë operacion ka zbardhur detaje mbrëmjen e sotme gazetari investigativ Artan Hoxha, i cili ka treguar se kokaina është e pastër si kristali.

?Kjo drogë e kalon pastërtinë e 92%, që është ndër pastërtitë më të mëdha të kokainës. Nuk do të ishte e mundur që ajo sasi të hidhej në treg ashtu. Pra nëse janë konfiskuar 400 kg kokainë të tillë, në treg do të hidhej trefishi i saj.

Kjo pastërti e kokainës i lejon trafikantët ta zbusin drogën dhe ta bëjnë të absorbueshme për klientët, pasi pastërtia aq e madhe rrezikon jetën e përdoruesve të saj. Për fat të keq tashmë është provuar se territori i Kosovës po kthehet në një bazë operacionale të grupeve kriminale që merren me narkotrafikun?, u shpreh ai në ?Debat Plus?.

Sipas tij, droga ishte destinuar për tregun e pasur të Bashkimit Evropian dhe jo për tregun e Kosovës apo Shqipërisë.

?Që nga paketimi në Brazil, droga ishte destinuar për organizata të ndryshme. Është në praktikën e organizatave kriminale që në fillim ata testojnë sasi shumë më të ulëta të drogës.

Pra në fillim ata kanë testuar sasi më të vogla, më pas kanë shkuar në sasi pak më të mëdha, për të ardhur deri te ajo që është konfiskuara sot. Trafikantët kanë fituar siguri se ky shteg është sigurt?, theksoi gazetari./ CNA.al





Lajmet e fundit nga