web counter
LEXO PA REKLAMA!

SHKARKO APP

App Store
Google Play

Marrin fund ditët me shi/ Gjysma e dytë e majit sjell rritje të temperaturave deri në 30 gradë celsius

15 Maj 2021, 17:35, Sociale CNA

Adiola Bani ka folur për situatën meterologjike në vend, ku tha se këtë të dielë pritet që shirave t’u vijë fundi për të sjellë një javë me kthjellime dhe pak vranësira.

Në një prononcim për Report tv, ajo është shprehur se shiu do të jetë i papërfillshëm ditën e nesërme, teksa shtoi se breshëri që ka rënë dje, kryesisht në Shkodër, ishte një ngjarje ekstreme.

“Fenomeni i breshërit është më se normal në stinën e pranverës, madje gjatë kësaj periudhe e kemi pasur shumë pak prezent, por situata e ndodhur në Shkodër ditën e shtunë pas mesnate do e konsideronim  ngjarje ekstreme pasi kemi pasur një sasi të konsiderueshme.

Brenda 50 minutash ka rënë një sasi prej 55 mm reshje, ku pjesa më e madhe ka qenë breshër dhe ka krijuar jo pak problematike. Sa i përket breshërit si fenomen është normal, por jo në këto përmasa. Presim që të kemi vranësira në të gjithë territorin shqiptar, por fatmirësisht gjatë orëve të pasdites dhe kryesisht gjatë natës presim që të kemi largim vranësirash dhe rikthim të kthjellimeve në territorin shqiptar duke bërë që e diela të jetë me mot të kthjellët , pritet ndonjë shi i papërfillshëm , do jenë vetëm pika shiu”.

Lajm i mirë është se gjatë fundit të maji, do të rikthehen temperaturat tipike të stinës së verës.

“Fillimi i javës, gjatë ditës së hënë dhe të martë kryesisht kthjellime, vranësirat do jenë shumë pak prezente, ku shi pritet vetëm në zonat veriore, presim rritje të temperaturave me 2 gradë. Maji na rikthen në temperatura të larta, tipike të verës, të paktën pas datës 20 maj priten temperatura deri në 30 gradë celsius”, përfundoi meteorologia.





Lajmet e fundit nga