web counter
LEXO PA REKLAMA!

SHKARKO APP

App Store
Google Play

Ngjarjet kriminale/ Klodiana Lala: Vrasje mafioze, formë e lartë e organizimit

13 Maj 2021, 19:30, Aktualitet CNA

Gazetarja Klodiana Lala ka folur rreth ngjarjeve kriminale së fundmi të ndodhura në vend, duke i cilësuar ato si mafioze. Përsa i përket atentatit të ndodhur disa ditë më parë në qytetin e Vlorës ku mbeti i vrarë 40 vjeçari Bledar Birçaj, Lala u shpreh se autorët kanë dashur të japin një mesazh. Sipas saj, në vetëm 3 javë shinjestruesit kanë vepruar me shpejtësi në këtë atentat, ku shprehet se kjo është një formë e lartë e organizimit.

?Janë vrasje mafioze sepse nga mënyra e organizimit kuptohet që ka një organizim shumë të detajuar, janë njerëz që mbaje armë të kalibrit të lartë dhe kanë përgatitur me detaje të gjithë mënyrën se si ata kanë organizuar. Ata kanë përcjellë mensazhe për mënyrën sesi u krye atentati në Vlorë . Janë dy persona që po ti shikosh që nga mënyra sesi dalin nga makina, se si qëllojnë dhe vrasin vetëm shënjestrën duke mos prekur dy personat e tjerë që ishin në makinë. Dhe se si kujdesen deri në detaje dhe kur I bie kallashnikovi në tokë kujdeset ta marrë dhe largohet. Dhe mënyra se si largohet benzi nga vendi I ngjarjes kuptohet që janë njohës të morë të asaj zone.

Është vrasje që dërgon mesazhe sepse është zgjedhur një orar shumë i populluar në mesditë, një ndër zonat më të frekuentura, është parë që atje ka një pengesë dhe shinjestra do ndalojë aty për të mos dëmtuar makinën , viktima kishte tre javë që kishte ardhur nga Spanja dhe imanjino në tre javë ka vepruar me shpejtësi për të gjitha këto. Që do të thotë formë e lartë e organizimit?, u shpreh Lala./ CNA.al





Lajmet e fundit nga