E fundit!

21:21 Aktualitet

Pas shoqërimit në komisariat/ Flet një nga protestuesit: Mos të kujtojnë se shqiptari trembet

Një nga protestuesit që u shoqëruan sot në Komisariatin nr...

Bylisi lë me pasoja Skënderbeun, Memelli humbet titullarin

30 Prill 2021, 09:34, Sport CNA

Fitorja ndaj Bylisit tregoi edhe një herë se Skënderbeu do të luftojë deri në fund për mbijetesën, duke shpresuar te zona ?play out? dhe ndoshta te vendi i 7-të që të shpëton direkt. Korçarët dhanë sinjalin e qartë se nuk do të dorëzohen lehtë, por përkundrazi do të tentojnë të marrin maksimumin nga ndeshjet e mbetura këtë kampionat. Në një situatë të tillë pas fitores shpresëdhënëse ndaj Bylisit, të besuarit e Migen Memellit do të kërkojnë të bëjnë më të mirën edhe në transfertën përballë Kastriotit të dielën. Krutanët nga ana e tyre janë futur në garë pas humbjes së pësuar në Fier. Objektivi i korçarëve është real, të shfrytëzojnë në maksimum formën e mirë që po kalon ekipi bardhekuq dhe pse jo të dalin me pikë të plota nga kjo transfertë.

Fitoja me Bylisin solli harmoni dhe mbajti lart optimizmin tek Skënderbeu, por u pasua edhe me probleme. Më kryesori është dëmtimi i Elvi Berishës, një prej lojtarëve kyç të skuadrës së Memellit në javët e fundit. Sulmuesi i rritur te Tirana nga vetë trajneri pogradecar pësoi një goditje gjatë ndeshjes me Bylisin gjë që e detyroi ta linte fushën e lojës më herët se zakonisht. Kjo është dilema, por edhe problemi më i madh i trajnerit bardhekuq që kërkon me çdo kush rikuperimin e lojtarit për ndeshjen e së dielës. Madje burime pranë klubit bëjnë me dije se kjo ka qenë gjëja e parë që Memelli ka pyetur stafin e tij pasi u shfaq në ambientet e klubit. Nga ana tjetër, ndaj Kastriotit mungesë e sigurt për shkak kartonësh është një prej titullarëve më të rëndësishëm, Vangjel Zguro. Mbrojtësi i krahut të majtë mori të verdhin e katërt në takimin ndaj Bylisit.

BISEDA ? Trajneri bardhekuq ka pasur një takim kokë më kokë me Berishën, duke kërkuar që të informohet për gjendjen e tij. Biseda mes palëve ka zgjatur gati 15 minuta, teksa Berisha i ka treguar për dëmtimin e pësuar në takimin e fundit, ndaj edhe për këtë Memelli ka kërkuar ta ketë situatën nën kontroll. Trajneri bardhekuq ka kërkuar nga një prej futbollistëve kryesor në javët e fundit qe të mundohet të lerë pas problemet fizike ose në të kundërt të shtrëngojë dhëmbët të paktën për këtë takim. Duke e njohur që në moshë fare të re, Memelli i ka kërkuar një sakrificë të fundit beniaminit të tij, duke arritur deri atje sa të kërkojë që Berisha të shtrëngojë dhëmbët dhe të luftojë maksimalisht për të lënë pas shqetësimet fizike. Me Berishën në majë të sulmit Memelli dhe Skënderbeu është shumë i sigurt dhe ka një tjetër rrezikshmëri për sa i përket fazës sulmuese.