E fundit!

14:21 Aktualitet

Vendimi i Kushtetueses për sekuestrimin/ Braho: Ka nevojë për rregullim ligjor procedural

Kreu i SPAK-ut, Klodjan Braho, gjatë raportimit të tij në ...

Zgjedhjet e 25 Prillit/ Celibashi: Do vlerësojmë shkaqet për votat e pavlefshme

29 Prill 2021, 21:02, Aktualitet CNA

Komisioneri Shtetëror i Zgjedhjeve, Ilirian Celibashi gjatë një interviste në ?Ilva Noë? se do të bëhet ?një vlerësim mbi shkaqet e numri të lartë të fletëve të pavlefshme të votimit?, pasi në total rezultojnë më shumë se 83 mijë të tilla.

?KQZ si asnjëherë tjetër u angazhua në një fushatë informimi dhe edukimi të votuesve të atillë që vetëm ai që nuk ka dashur aspak që të interesohet se si duhet plotësuar fleta e votimit nuk ka kuptuar?, tha ai.

120 fleta të pavlefshme pati edhe në njësinë numër 10 në Tiranë ku u votua në mënyrë elektronike, por kreu i KQZ sqaroi se bëhet fjalë për fletë të bardha.

?Lidhet me vullnetin e votuesit për të mos zgjedhur asnjë subjekt. I kemi dhënë mundësinë që për arsye të ndryshme nuk dëshiron që të zgjedhë askënd. Ka qenë një fletë e bardhë?, tha z. Celibashi.

Për mundësinë e përdorimit të votimit elektronik në të gjithë vendin në zgjedhjet e ardhshme, ai tha se kjo mund të realizohet pa asnjë rrezik.

?Nëse sistemi elektronik operon në mënyrë offline dhe në mënyrë lokale nuk ka asnjë mënyrë që të dështojë pasi nuk ka rrezik për ndërhyrje të jashtme. Në njësinë numë 10 në Tiranë ka pasur plotësisht sukses?, u shpreh kreu i KQZ.

Nga ana tjetër, z. Celibashi rrëzoi pretendimet se mund të ketë identifikimit të votës përmes një barkodi në fletë. Kreu i KQZ tha se rezultati paraprak është shpallur më shpejt se 48 orë ndërsa rezultati për kandidatët pritet të shpallet nesër në një kohë kur ishte parashikuar të zgjaste deri në 10 ditë. Ndërkohë për rezultatin zyrtar, z. Celibashi tha se do të shihet nëse do të ketë ankime dhe kjo gjë mund ta vonojë me 20 ditë. Kurse për tensionet e krijuara në KZAZ, z. Celibashi tregoi se në shumë raste ato kanë qenë për shkaqe banale.

Për pretendimet e opozitës për manipulim të votës, kreu i KQZ u shpreh se ?për ditën e votimit nuk rezulton se ka pasur cenim të integritetit të votës dhe procesit të votimit? duke shtuar se ?çdo gjë tjetër është përtej përgjegjësisë së KQZ?, duke iu referuar shit-blerjes së votës apo ndikim të administratës publike./ CNA.al