web counter
LEXO PA REKLAMA!

SHKARKO APP

App Store
Google Play

E fundit!

x

Ndocaj merr në mbrojtje Tom Doshin/ ‘Është i bezdisshëm për partitë e mëdha, ndaj e sulmojnë’

29 Prill 2021, 17:14, Politikë CNA

Kandidati për deputet nga Partia Aleanca Demokracia e Re, Eduard Ndocaj, ishte i ftuar pasditen e sotme në Fax News ku ka komentuar surprizën e këtyre zgjedhjeve, PSD-në e Tom Doshit.

Ai e ka konsideruar Doshin si një bezdi për tre krerët e politikës shqiptare për shkak të suksesit të tij.

?Zoti Doshi është një personalitet shumëdimensional, familjar i suksesshëm, një biznesmen i suksesshëm, qytetar i suksesshëm dhe demonstroi se është dhe një politikan i suksesshëm.

Shoh dhe vlerësoj se akuzat që i bëhen atij dalin nga gazetarë dhe media, por italianët përdorin një shprehje të veçantë ?La carta canta?.

Deri më tani nuk ka asnjë dokument të depozituar në prokurorinë e Republikës së Shqipërisë për të provuar ndonjë akuzë, gjithashtu dhe nga Ambasada Amerikane nuk ka asnjë dokument për të provuar se pse është ?non grata? dhe se për çfarë akuzohet.

Një qytetar që nuk është i dënuar nga asnjë gjykatë për opinionin tim personal është i pafajshëm. Akuzat janë krahinore dhe bëhen ndaj një personi që ka arritur majat e suksesit.

Sot kemi në një qytetar që ka arritur në majat e karrierës politike dhe është i bezdisshëm për partitë e mëdha dhe sigurisht që do ta sulmojnë. Duhet ta pranojmë që ky person ka qenë 365 ditë i vlefshëm për krahinën e tij, jo si kandidatët e tjerë që kujtohen vetëm 1 muaj në vit?, tha Ndocaj./CNA.al





Lajmet e fundit nga